Elordada áleýmettik osal toptaǵy balaly otbasylar jańa páterge kóshýde
24 qarasha men 1 jeltoqsan aralyǵynda Turǵyn úı ortalyǵynda 2020-2025 jyldarǵa arnalǵan «Nurly jer» memlekettik baǵdarlamasy sheńberinde ótinishter qabyldandy. «Kóp balaly otbasy» sanaty boıynsha turǵyn úı kezeginde turǵan azamattar úshin «Satyp alý quqyǵynsyz jalǵa beriletin turǵyn úı» baǵyty boıynsha 126 páter satyldy.
«Jeti qyz, úsh ulym bar. Kópbalaly ana retinde 2010 jyly kezekke turǵanmyn. Osy kúndi on jyl kúttik. Keshe ǵana kiltti berdi. Óte qýanyshtymyz. Otbasymyzdyń armany oryndaldy. Óte qıyn kezde boldy. Buǵan deıin saıajaılardy jaldap turyp keldik. Úı jaqsy, jyly. Mektep janynda», - deıdi Dana Tursynbaeva.
Kamına Baıbolova da kópten kútken armany oryndalǵanyn aıtady. Oǵan aýdany 110 sharshy metrlik jańa páter berilgen.
«Elordada turyp jatqanymyzǵa 20 jyl boldy. Úı kezegine turǵanyma 12 jyl. Bala-shaǵamyzdyń nesibesi shyǵar, búgin kópten kútken armanymyz oryndalyp jatyr. Memleket basshysyna, elorda ákimine rahmetimizdi aıtamyz», - deıdi Kamına Baıbolova.
Jańa úıler E430, R.Qoshqarbaev dańǵyly, E435, Omarov kóshesi, J.Nájimedenov kóshesi, A-91, N.Tilendıev dańǵyly mekenjaılary boıynsha ornalasqan.