Elordada áleýmettik mańyzy bar azyq-túlik túrlerine shekti baǵa belgilenedi

NUR-SULTAN. QazAqparat – Elordadaǵy aýla ishindegi shaǵyn azyq-túlik dúkenderi shtattyq rejimde jumys isteıdi. Bul týraly Ortalyq kommýnıkatsııalar qyzmetindegi brıfıngide Nur-Sultan qalalyq ınvestıtsııalar jáne kásipkerlikti damytý basqarmasynyń basshysy Erlan Bekmyrzaev aıtty, dep habarlaıdy QazAqparat tilshisi.

«Aýla ishindegi shaǵyn azyq-túlik dúkenderi shtattyq rejimde jumys isteıdi. ıAǵnı, olardyń jumysyna eshqandaı shekteý joq. Azyq-túlik emes taýarlar satatyn dúkender karantın kezinde jumysyn toqtatady», - dedi ol.

Sonymen qatar basqarma basshysy áleýmettik mańyzy bar azyq-túlik túrlerine shekti baǵa belgileý máselesi qarastyrylyp jatqanyn aıtty.

«Bul másele keshe talqylandy. Mınıstrlikpen birge taıaý kúnderi áleýmettik mańyzy bar azyq-túlik túrlerine shekti baǵa belgileý týraly sheshim qabyldanady», - dedi Erlan Bekmyrzaev BAQ ókilderiniń saýalyna oraı.