Elordada ál-Farabıge eskertkish qoıylady

NUR-SULTAN. QazAqparat – Nur-Sultan qalasynda álemniń ekinshi ustazy atanǵan Ábý-Nasyr ál-Farabıdiń qurmetine eskertkish qoıylmaq, dep habarlaıdy QazAqparat tilshisi.

Kórnekti tulǵaǵa qoıylatyn eskertkishke qatysty áńgime elordanyń qalalyq máslıhat janyndaǵy qoǵamdyq keńes otyrysynda aıtyldy.

«2019 jyly Prezıdent Ákimshiliginen elordada ál-Farabı, Qurmanǵazy, J. Táshenov jáne taǵy basqa tulǵalarǵa eskertkish qoıý tapsyrmasy berildi. Ótken jyly pandemııaǵa baılanysty ál-Farabıge eskertkish ornatý keıingi shegerildi. Qazir eskertkish daıyndalyp jatyr. Jalpy bıyl J. Táshenov pen T. Bıgeldınovke eskertkish qoıýǵa qarjy bólindi», - dedi Nur-Sultan qalasynyń Strategııalyq jáne bıýdjettik josparlaý basqarmasynyń basshysy Qaısar Mańqaraev.

Eske sala ketsek, ótken jyly elordadaǵy Oqýshylar saraıynda ál-Farabı ortalyǵy ashylǵan edi.

Sondaı-aq, atalǵan Oqýshylar saraıyna ál-Farabı ataýy berildi.