Elordada «Aqyldy urpaq» atty jas ǵalymdar forýmy ótti
Aqparat jáne qoǵamdyq damý mınıstrligi men Bilim jáne ǵylym mınıstrligi uıymdastyrǵan forýmǵa elimizdiń barlyq óńirlerinen jınalǵan 200-den astam jas ǵalymdar men zertteýshiler, sondaı-aq Aqparat jáne qoǵamdyq damý vıtse-mınıstri Ashat Oralov, QR BǴM Ǵylym komıteti tóraǵasynyń orynbasary Dýman Orynbekov, QR Prezıdenti janyndaǵy jastar saıasaty jónindegi keńestiń, QR BǴM janyndaǵy jas ǵalymdar keńesiniń ókilderi qatysty.
«Búgin munda Táýelsiz Qazaqstanda ósken, jańa oılaý qabileti men damý paradıgmasy bar, óz jetistikteri men tabystary bar jastar jınalǵany mańyzdy. Jastardy, ásirese jas ǵalymdardy, kásipkerlerdi, novatorlardy Elbasy Nursultan Nazarbaev pen Memleket basshysy Qasym-Jomart Toqaev únemi qoldap otyratyndyǵyn atap ótkim keledi», - dedi alqaly jıynda Ashat Oralov .
Forým barysynda Qazaqstannyń jas ǵalymdary ǵylymnyń túrli salalarynda óz tájirıbelerimen jáne óz salalaryndaǵy jetistikterimen bólisti.
Máselen, QazVac otandyq vaktsınasyn ázirleýshilerdiń biri, «Bıotehnologııa» mamandyǵy boıynsha PhD doktory, QR BǴM Ǵylym komıtetiniń Bıologııalyq qaýipsizdik problemalary ǴZI mıkroorganızmder kollektsııasy zerthanasynyń meńgerýshisi Q.D. Júginisov QazVac vaktsınasynyń klınıkalyq synaqtarynan sátti ótkeni jáne óńirlerge jetkizý týraly aıtyp berdi.
«Ál-Farabı atyndaǵy QazUÝ» KEAQ postdoktoranty, «Bıosfera ekologııasy» zerthanasynyń aǵa ǵylymı qyzmetkeri, «Sý resýrstaryn utymdy paıdalaný» baǵyty boıynsha Ulttyq ǵylymı keńestiń múshesi N.H. Baımatovtyń pikirinshe, adamgershilik-ekologııalyq tárbıe jastardyń ekologııalyq oılaý stılin damytýǵa, tabıǵı ortada qajetti senimder men minez-qulyq daǵdylaryn tujyrymdaýǵa, oryndy ekologııalyq qyzmet qaǵıdattaryn bekitýge baǵyttalýy tıis.
Sonymen qatar, is-shara spıkerleri retinde «ReLive Intelligence» kompanııalar tobynyń negizin qalaýshy jáne dırektory, derekterdi taldaý boıynsha PhD doktory, Nazarbaev Ýnıversıtetiniń túlegi B.B. Ábdikenov, «Ulttyq ǵaryshtyq zertteýler men tehnologııalar ortalyǵy» AQ Basqarma tóraǵasynyń orynbasary, A. J. Bıbosynov, ınklıýzıvti bilim berý boıynsha PhD, Ulttyq erikti, múgedektigi bar jas mamandardyń talanttaryn damytý baǵdarlamasy aıasynda Qazaqstandaǵy BUU baǵdarlamalyq mamany M. T. Qarsaqpaeva sóz sóıledi.