Elordada ákimshilik ǵımarattardy ruqsatsyz dronǵa túsirgender ustaldy
«Polıtsııaǵa Reseı Federatsııasynyń azamattary qalanyń ákimshilik ǵımarattaryn ruqsatsyz dronǵa túsirip júrgeni týraly aqparat kelip tústi. Anyqtalǵanyndaı, 21 jáne 28 jastaǵy jigitter jaǵalaý mańynda jáne QR Qorǵanys mınıstrliginde drondardy ushyrǵany anyqtaldy. Bul faktiler ár túrli ýaqytta oryn alǵan, sonymen qatar azamattarda kvadrakopterdi qoldanýǵa ruqsat qujattary bolmaǵan. Sonymen qatar 12 qazanda Reseı Federatsııasynan kelgen 43 jastaǵy er adam Dostyq kóshesiniń boıynda beınetúsirilim jasaý úshin dron ushyrǵany týraly taǵy bir habar keldi», -delingen polıtsııa habarlamasynda.
Jınalǵan materıaldar zańdy sheshim qabyldaý úshin Azamattyq avıatsııa komıtetine jiberildi. Tártip buzýshylar ákimshilik jaýapkershilikke tartyldy. Olarǵa 10 AEK mólsherinde aıyppul salynýy múmkin. Atalǵan tulǵalarmen profılaktıkalyq áńgime júrgizildi.