Elordada ákimdiginde qandaı ınvestıtsııalyq jobalar qoldaý tapty

NUR-SULTAN. QazAqparat - Nur-Sultan qalasynyń ákimi Altaı Kólginovtyń tóraǵalyǵymen ınvestıtsııa máseleleri jónindegi óńirlik úılestirý keńesi ótti, dep habarlaıdy QazAqparat ákimdik saıtyna silteme jasap.

Kezdesýde medıtsına, bilim berý, sport jáne t. b. salalardaǵy perspektıvalyq jobalar tanystyryldy.

Investordyń aıtýynsha, medıtsınalyq uıym qyzmetterdiń tolyq spektrin kórsetetin bolady. Mekeme bazasynda zerthanalyq-zertteý ortalyǵy ornalasady. Bilim berý salasyndaǵy 5 jeke ınvestjoba 5 myńnan astam oqýshyny jańa oqý ornymen qamtýǵa múmkindik beredi.

Sonymen qatar mektepke deıingi mekemeler 600-den astam jańa oqý ornymen qamtylady.

«Memleket basshysy ınvestıtsııalyq áleýetti arttyrý, ásirese bilim berý júıesine ınvestıtsııa tartý jumystaryn jandandyrýdy tapsyrdy. Biz qoldaǵan jobalar jańa jumys oryndaryn ashýǵa múmkindik beredi. Investorlar nátıjelerin kórsetip, óz jobalarymen jumys isteýleri tıis», - dedi A. Kólginov.

Sondaı-aq, keńeste jabyq fýtbol alańyn salý jobasy qaraldy, barlyǵy 9 ınvestıtsııalyq joba qoldaý tapty.