Elordada adam quqyqtary jónindegi komıssııa otyrysy ótti
Otyrysta QR Densaýlyq saqtaý mınıstrliginiń azamattardyń densaýlyǵyn saqtaý jáne bilikti medıtsınalyq kómek alý boıynsha konstıtýtsııalyq quqyǵyn qamtamasyz etýge baǵyttalǵan sharalary talqylandy. Komıssııa músheleri halyqqa kórsetiletin medıtsınalyq kómektiń sapasyna, ásirese koronavırýs ınfektsııasynyń aldyn alý jáne emdeý barysynda konstıtýtsııalyq quqyqtardy saqtaý jáne qamtamasyz etý máselelerine erekshe nazar aýdardy.
Komıssııa otyrysynyń jumysynda Konstıtýtsııamen, Halyq densaýlyǵy jáne densaýlyq saqtaý júıesi týraly kodekspen, BUU-nyń ekonomıkalyq, áleýmettik jáne mádenı quqyqtar týraly halyqaralyq paktisimen, Qazaqstan ratıfıkatsııalaǵan Bala quqyqtary týraly konventsııamen kepildik berilgen azamattardyń konstıtýtsııalyq quqyqtaryn saqtaýdyń ózekti máseleleri talqylandy.
Otyrys barysynda sarapshylar barlyq mobıldi brıgadalardyń, call-ortalyqtardyń, beıindi mamandardan jasqatalǵan konsýltatıvtik toptardyń jumysyn kúsheıtip, alǵashqy medıtsınalyq-sanıtarlyq kómektiń ýaqtyly jáne sapaly qyzmet kqrsetilý kerektigin atady.
Komıssııa tóraǵasy Igor Rogovtyń aıtýynsha, komıssııa ortyrysynyń qorytyndysy boıynsha ázirlengen usynymdar Memleket basshysynyń, Parlament pen Úkimettiń nazaryna usynylmaq.