Elordada 9 medıtsınalyq uıymmen kelisimshart buzyldy

<p>&laquo;Áleýmettik medıtsınalyq saqtandyrý qory&raquo; KeAQ Astana qalasy boıynsha fılıaly 9&nbsp; medıtsınalyq uıymmen kelisimshartyn buzdy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Astana qalalyq kommýnıkatsııalar qyzmetindegi brıfıngide atalǵan fılıal dırektory Erbol Bekmuhambetov elorda boıynsha mindetti áleýmettik medıtsınalyq saqtandyrý júıesiniń júzege asyrylýy týraly baıandady.

2023 jyldyń 10 aıynda júrgizilgen monıtorıng qorytyndysy boıynsha 2 mlrd teńgeden astam somaǵa medıtsınalyq qyzmet kórsetý barysyndaǵy burmalaýshylyqtar anyqtaldy. Onyń ishinde 1,3 mlrd teńge – MÁMS júıesinde, 800 mln teńge – TMKKK aıasynda. Proaktıvti monıtorıngtiń 2-kezeńiniń nátıjeleri boıynsha 9 medıtsınalyq uıymmen jasalǵan shart buzyldy. Júrgizilgen monıtorıngter aıasynda 41 mln teńgeden astam somaǵa qyzmetterdi satyp alý sharty talaptarynyń tıisinshe oryndalmaǵany anyqtaldy.

Qordyń Astana qalasy boıynsha fılıaly 2023 jyldyń 10 aıynda turǵyndardan túsken 3 975 ótinishti qarady. Patsıentterdiń shaǵymy boıynsha jospardan tys 191 monıtorıng jasaldy. Onyń ishinde 84 shaǵym rastaldy jáne nátıjeleri boıynsha ekonomıkalyq yqpal etý sharalary qoldanyldy.