Elordada 7 myń bala «Jas Sarbaz» atanǵan
Eordada qala ákimdiginiń, «Astana jastary» KMM jáne QR Qarýly Kúshteri Ulttyq áskerı-patrıottyq ortalyǵynyń qoldaýymen «Jas Sarbaz – Táýelsizdik tiregi» jobasynyń qorytyndy keshi ótti.
Jas Sarbaz jasóspirimder áskerı-patrıottyq qozǵalysy respýblıkalyq qoǵamdyq birlestigi jobasy osy jyldyń aqpan aıynda bastaý alyp, jyl boıy jalǵasty. Joba aıasynda áskerı-qoldanbaly sport túrlerinen saıystar, sporttyq jáne shyǵarmashylyq saıystar, úsh kúndik áskerı-patrıottyq jıyn jáne ózge de 100-ge jýyq aktsııa men is-shara uıymdastyryldy.
«Jasóspirim jastardyń boıynda patrıottyq sezimdi arttyrý úshin atalmysh joba aıasynda birqatar is-shara uıymdastyrdyq. Búginde elordamyzdaǵy 91 mektep pen 37 kolledjde «Jas Sarbaz» synyptary men klýbtary quryldy. Sol sııaqty 150-ge jýyq áskerı-patrıottyq klýb pen «Jas Sarbaz» synyptary ashylyp, ondaǵy tárbıelenýshiler sany 7000-nan asyp otyr.
Jasóspirimderdiń áskerı-patrıottyq tárbıesin jetildirý maqsatynda dástúrli túrde 3 jyl kóleminde Nur-Sultan qalasy ákimdiginiń qoldaýymen kúzgi áskerı-patrıottyq jıyndar, jeńil atletıka marafony, fýtbol, voleıbol sport túrlerinen jarystar men is-sharalar, sondaı-aq áskerı-patrıotyq ánder baıqaýy, patrıottyq fılmder men erlik sabaqtary jáne basqa da is-sharalardy júzege asyrý ústindemiz. Bul keshe ǵana negizin salǵan qozǵalys úshin úlken jetistik dep bilemin.
Sonymen qatar bıyl 2000 jas sarbaz tárbıelenýshisine Jas Sarbaz kýáligin tabystadyq», - dedi «Jas Sarbaz» qozǵalysy Nur-Sultan qalalyq fılıalynyń tóraǵasy Ashat Nalshybek.
Іs-shara barysynda jyl boıy úzdik qyzmet etken mektep dırektorlaryna qala ákimi orynbasarynyń alǵys haty tapsyrylsa, alǵashqy áskerı daıyndyq pániniń ustazdary «Jas Sarbaz» qozǵalysynyń tóraǵasy atynan alǵys hatpen marapattaldy. Kesh sońynda jyldyń úzdik «Jas Sarbaz» klýbyn anyqtap, baǵaly syılyqtar tapsyryldy.