Elordada 63 azamat qaıtarymsyz grantqa ıe boldy

<p>ASTANA. KAZINFORM &ndash; Elordada 400 AEK-ke deıingi qaıtarymsyz grant boıynsha komıssııa otyrysy jumysyn aıaqtady.&nbsp;</p>

Astana ákimdigi resmı saıtynyń málimetinshe, alǵashqy lekte Astana qalasynyń Eńbek mobıldigi ortalyǵyna 721 adam ótinim berip, bıznes-ıdeıalaryn usynǵan. 

2024 jyldyń 3-7 maýsym aralyǵynda úmitkerler komıssııa aldynda jobalaryn qorǵap, nátıjesinde 63 adamǵa qaıtarymsyz grant maquldandy. Áleýmettik osal top azamattarynyń bıznes-jobasyn júzege asyrý maqsatynda beriletin qaıtarymsyz qarajat alýǵa ótinimder elektrondy formatta qabyldandy. Bul qoldaýǵa eńbekke qabiletti múgedektigi bar adamdar, qandastar, ataýly áleýmettik kómek alýshy otbasylar, múgedektigi bar balany tárbıelep otyrǵandar otbasylar, asyraýshysynan aıyrylý boıynsha járdemaqy alatyn otbasylar tarapynan ótinimder tústi. 

Qatysýshylardyń jumyssyzdyqqa tirkelgen nemese tirkeý merzimi 3 jylǵa deıingi jeke kásipker bolýy kerek bolatyn.

Sonymen qatar úmitkerdiń «Bastaý Bıznes» jobasy boıynsha kásipkerlik negizderine oqyǵany týraly merzimi úsh jyldan aspaıtyn sertıfıkaty bolýy shart edi.

Komıssııa otyrysynyń ashyqtyǵyn qamtamasyz etý úshin, áleýmettik jelilerdegi resmı paraqshalar arqyly tikeleı efır uıymdastyrylyp, qala turǵyndary jumys barysyna qoǵamdyq baqylaý jasady. Komıssııa ókilderi bıznes-jobalardyń ómirsheńdigine, básekege qabilettiligine jáne úmitkerdiń kásibıligine nazar aýdardy.

Komıssııa sheshimimen oń qorytyndy alǵan bıznes-jobalar:

– tamaq ónerkásibi – 16;

– tigin isi – 12;

– bilim berý qyzmetterin kórsetý – 7;

– turmystyq servıstik qyzmetter kórsetý – 5;

– qoǵamdyq tamaqtaný salasynda qyzmet kórsetý – 4;

– óner, sport, oıyn-saýyq, demalys, kútim jáne sulýlyq salasyndaǵy qyzmetter – 4;

– medıtsınalyq jáne áleýmettik qyzmetter – 3;

– óndiris jáne ónerkásip – 3;

– servıstik qyzmet kórsetý – 2;

– kóterme jáne bólshek saýda – 2;

– avtomotokólik quraldaryna servıstik qyzmet kórsetý – 1;

– ákimshilik, basqarýshylyq jáne aqparattyq qyzmet, deldaldyq qyzmetter – 3;

– qyzmettiń basqa túrlerin usyný – 1.

Qazirgi tańda grant ıegerlerimen kelisimshart jumystary júrgizilip jatyr. 

Aıta ketý kerek, bul qoldaý tutynýshylyq maqsatqa, kredıtti óteýge, jyljymaıtyn turǵyn úı satyp alýǵa jáne salýǵa, jer telimderin satyp alýǵa berilmeıdi.