Elordada 60 adam meıramhanada ótken qyz uzatý toıyna barǵan

NUR-SULTAN. QazAqparat – Elordanyń monıtorıng júrgizý toby qalanyń Aınakól kóshesinde ornalasqan «Ereymen» meıramhanasynda kúndizgi saǵat 14:30-da qyz uzatý toıy ótkizilip jatqanyn anyqtady. Mekeme ishinde 60-tan astam adam kóńil kóterip júrdi, olardyń arasynda balalar da bolǵan, dep habarlaıdy QazAqparat Nur-Sultan qalasynyń polıtsııa departamentine silteme jasap.

Kópshilik arasynda birneshe saǵat ótkizgen beıbereket adamdar ózderiniń ǵana emes, aınaladaǵy basqalardyń densaýlyǵyn qaterge tigip jatqanyn sezinbeıdi.

Tártip buzýshylarǵa qatysty jınalǵan materıal QR Ákimshilik quqybuzýshylyqtar týraly kodeksiniń 425-babymen ákimshilik óndiris qozǵaý úshin Sanıtarlyq-epıdemıologııalyq qadaǵalaý basqarmasyna jiberildi.

Mobıldi toptar karantın rejımin buzý faktisin jıy de anyqtaıdy. Keshe ǵana 68 kásipkerlik nysany tekserilip, sonyń ishinde 10-y karantın rejımin buzǵany anyqtaldy.

Nur-Sultan qalasynyń polıtsııa departamenti kásipkerlerdi karantın shekteýin buzǵany úshin jaýapkershilik bar ekendigin eskertip, sanıtarııa normalaryn saqtaýǵa shaqyrady. Polıtsııa turǵyndarǵa kópshilik jınalatyn is-sharaǵa qatysýdan bas tartyp, toı-tomalaq ótkizbeýge keńes berdi.