Elordada 6-shy aýdan qurylady

<p>ASTANA. KAZINFORM &ndash; Astana qalasynyń qoǵamdyq keńesi elordanyń Almaty aýdanyn ekige bólý bastamasyna qoldaý bildirdi.</p>

Astana qalalyq sáýlet, qala qurylysy jáne jer qatynastary basqarmasynyń basshysy Altynbek Ahmetovtiń aıtýynsha, qalalyq máslıhat Almaty aýdanyn eki derbes ákimshilik bólikke bólý týraly sheshim qabyldaǵan.

«Soltústigi óziniń tarıhı ataýyn saqtap qalsa, ońtústigi jańa ataýmen belgilenetin bolady. Josparlanyp otyrǵan eki ákimshilik birlik arasyndaǵy shekarany úlken kólik magıstralldary arqyly ótkizý kózdelgen. Shekara sol jaǵalaýdan oń jaǵalaýǵa qaraı ótetin kópirden bastalyp, Saraıshyq kóshesi boıymen bolady. Odan keıin shekara Qoshqarbaev dańǵyly boıymen temir jol jelisi qıylysyna deıin, temir jol jelisinen qalanyń shekarasyna deıin sozylady», - dedi ol.

Onyń dereginshe, jańa shekarasy shegendeletin Almaty aýdanynyń aýmaǵy 8 518 gektardy, halyq sany 200 myńnan astam adamdy quraıdy. Al jańa aýdannyń aýmaǵy 6 953 gektar bolmaq. Onda 183 myń adam turady. Bas josparǵa sáıkes, aldaǵy ýaqytta aýdan halqy 424 myń adamǵa jetpek.

Astana qalasynyń qoǵamdyq keńesi músheleri elordalyq máslıhattyń mundaı sheshimine biraýyzdan qoldaý bildirdi.