Elordada 55 jastaǵy mylqaý áıel jynystyq quldyqqa jegilgen

<p>ASTANA. KAZINFORM &ndash; 55 jastaǵy múgedek áıel Qostanaıdan Astanaǵa jasyryn ákelinip, jumysqa jáne jynystyq quldyqqa jegilgen. Bul týraly LIDER.KZ izdeý-qutqarý jasaǵy elorda bóliminiń jetekshisi Aızada Júsipova aıtty.</p>

«Eki jyl buryn mynandaı jaǵdaı boldy: múgedekter esebinde turǵan 55 jastaǵy áıel (mylqaý) Shubar shaǵyn aýdanyndaǵy «Zabota» pansıonatynda kúni-túni jumysqa jegilgen. Onda múmkindigi shekteýli, ózdiginen júrip-tura almaıtyn adamdar da meken etedi, solardyń dáretin tazalatqan. Sondaı-aq bul áıeldiń múgedek ekenin, múlde sóıleı almaıtynyn paıdalanyp jynystyq quldyqqa da salǵan. Biz ol áıeldi taýyp alyp, polıtsııaǵa tapsyrdyq. Arada eki aı ótken soń prokýratýra habarlasyp, ol áıeldiń Qostanaıdan Astanaǵa jasyryn ákelingenin, qujattary qoldan jasalǵanyn málimdedi», - dedi Aızada Júsipova.

Іzdeý-qutqarý jasaǵy jetekshisiniń aıtýynsha, múgedek jandy quldyqqa salǵandar — áıel adam men onyń qyzy. Olar sol «Zabota» pansıonatynda jumys istegen.

Aızada Júsipova mundaı jaǵdaıda eriktiler uıymy tek joǵalǵan adamdy taýyp, quqyq qorǵaý organdaryna tabystaıtynyn, ary qaraıǵy is olardyń quziretine jatpaıtynyn atap ótti.

Sondaı-aq ol Ortalyq Azııa elderi ishinde jaqynyn izdep habarlasatyndardyń kóbi Tájikstan men Ózbekstannan ekenin aıtty.

Aıta keteıik, buǵan deıin ótken aıdyń ózinde Astanada adamdy quldyqta ustaýdyń 4 deregi anyqtalǵanyn jazǵan edik.