Elordada 40-qa jýyq kásipkerlik nysan «Ashyq» qosymshasyn paıdalanyp otyr

NUR-SULTAN. QazAqparat - Osydan bir aı buryn elordanyń keıbir mekemeleri, sonyń ishinde fıtnes-ortalyqtar, monshalar, saýnalar kelýshilerdiń statýsyn anyqtaý úshin QR-kod paıdalaný jónindegi «Ashyq» pılot jobasyna qatysa bastady. Bul jaıynda qala ákimdiginiń resmı saıtyna silteme jasap QazAqparat habarlaıdy

Esterińizge sala keteıik, «Ashyq» mobıldik qosymshasy QR-kodty paıdalaný jáne PTR ortaq bazasymen ıntegratsııalaý arqyly kelýshiniń mártebesin anyqtaýǵa, ıaǵnı koronavırýs tasymaldaýshy ma, joq pa degen saýaldy naqtylaýǵa múmkindik beredi.

QR-kod júıesin búginde elordanyń 39 kásipkerlik nysany engizdi.

Olardyń arasynda fıtnes-ortalyqtar, saýnalar, basseınder, monshalar, boýlıng klýbtary, bılıard bólmeleri jáne t.b. bar.

Aıta keteıik, QR-kod bıznes sýbektisiniń ataýy, ornalasqan jeri jáne sáıkestendirý derekteri kórsetilgen elektrondyq sáıkestendirgish bolyp sanalady.

Naqty bir obektige kirý jáne shyǵý úshin keminde 2 QR-kod beriledi. Eger mekemege birneshe ret kirip-shyqsa ár kirgeni úshin jeke kod jasalady.

Kelýshige óziniń smartfonyna «Ashyq» mobıldi qosymshasyn júkteý, telefon nómiri boıynsha avtorlaný, JSN engizý jáne óziniń barýyn tirkeý úshin mekemeniń QR-kodyn skanerleý qajet.

Sondaı-aq, shyǵý kezinde QR kodyn skanerleý kerek.

Kelýshide smartfon bolmaǵan jaǵdaıda kásipkerlik obektisiniń qyzmetkeri kelýshiniń mártebesin onyń kelisimimen aqparattyq júıede tekseredi.

QR-kodty skanerlegennen keıin mobıldi qosymshada kelýshiniń mártebesi túrli-tústi formatta janady. Ol boıynsha adamnyń baılanysta bolǵany nemese juqtyrǵany aıqyndalady:

- «jasyl» mártebe – kelýshi derekter bazasynda COVID-19-ǵa teris nátıjemen PTR-testileýden ótkeni retinde belgilengen;

– «kók» mártebesi – PTR-testileý nátıjesi joq, COVID-19 naýqaspen baılanysta bolmaǵan;

– «sary» mártebe – derekter bazasynda COVID-19 naýqaspen baılanysta bolǵany retinde kórsetilgen;

– «qyzyl» mártebe – COVID-19 úshin oń nátıjemen bazada tirkeldi.

Mártebe PTR-zertteýlerdiń biryńǵaı ıntegratsııalyq portaly jáne QR Densaýlyq saqtaý mınıstrliginiń COVID-19 baqylaý ortalyǵy sııaqty aqparattyq júıelermen salystyrý negizinde beriledi.

Eger kelýshiniń «qyzyl» nemese «sary» mártebesi baıqalsa, ol pılottyq jobaǵa qatysatyn kásipkerlik obektisine jiberilmeıdi.

Osy mártebelerdiń birimen kelýshiler týraly QR sanıtarııalyq-epıdemıologııalyq baqylaý komıtetiniń aýmaqtyq departamentterin habardar etý qajet.