Elordada 30 naýryz ben 11 sáýir aralyǵynda qandaı shekteý sharalary engizildi
«Qaladaǵy qazirgi epıdemıologııalyq jaǵdaı, COVID-19 tirkelýiniń kúrt ósýine baılanysty Nur-Sultan qalasynyń bas memlekettik sanıtarlyq dárigeriniń «Nur-Sultan qalasynda shekteý jáne karantındik sharalardy kúsheıtý jónindegi qosymsha sharalar týraly» qaýlysy qabyldandy. Onda áleýmettik-ekonomıkalyq nysandarda jumys rejımine qatysty ózgerister engizildi», - deıdi Sanıtarlyq-epıdemıologııalyq baqylaý departamentiniń basshysy, Nur-Sultan qalasynyń bas sanıtarlyq dárigeri Sarhat Beısenova.
Onyń aıtýynsha, 30 naýryz ben 11 sáýir aralyǵynda tómendegi mekemelerdiń qyzmetine shekteý qoıylady:
— Saýda oıyn-saýyq ortalyqtary, saýda úıleri men azyq-túlik emes taýarlardy satatyn saýda jelileri jumys kúnderi saǵat 10.00-den 17.00-ge deıin jumys istese, demalys kúnderi jumys isteýge tyıym salynady. (Bul ereje atalǵan nysandardyń ishinde ornalasqan dárihanalarǵa, azyq-túlik pen qajetti zattardy satatyn mınımarketterge, sýpermarketterge, gıpermarketterge, sondaı-aq osy qaýlymen olardyń ornalasqan jerine qaramastan qyzmetine ruqsat etilgen nysandarǵa qatysy joq);
— Demalys kúnderi jumys isteýge tyıym sala otyryp, jumys kúnderi tamaqtaný obektileriniń jumysyn 22.00 saǵatqa deıin shekteý;
— Jumys kúnderi men senbi kúni ashyq aspan astyndaǵy azyq-túlik jáne azyq-túlikke jatpaıtyn taýar satatyn bazarlardyń jumysyn saǵat 10.00-den 18.00-ge deıin shekteý. Jeksenbide jumys isteýge tyıym salynady.
Odan bólek, Demalys kúnderi jumys isteýge tyıym sala otyryp, jumys kúnderi saǵat 10.00-den 20.00-ge deıin jumys kestesin belgileı otyryp, azyq-túlik jáne azyq-túlikke jatpaıty taýardy satatyn jabyq bazarlardyń jumysyna shekteý qoıylady;
Jeksenbi kúnderi qoǵamdyq kólikterge shekteý qoıylady;
Sporttyq nysandar (sport keshenderi, sport mektepteri, sport klýbtary, jattyǵý zaldary) jumys kúnderi saǵat 7.00-den 22.00-ge deıin jumys isteıdi. Demalys kúnderi jumys isteýge jáne toptyq jattyǵýlarǵa tyıym salynady;
Fıtnes-ortalyqtar, fıtnes klýbtar, sporttyq-saýyqtyrý oryndary, jabyq basseınder, SPA-ortalyqtar, SPA-salondar jumys kúnderi saǵat 7.00-den 22.00-ge deıin jumys isteıdi. Demalys kúnderi jumys isteýge jáne toptyqjattyǵýǵa tyıym salynady. (Bul erejeniń «Ashyq» pılottyq jobasyna qatysatyn nysandarǵa qatysy joq. Olar úshin «sary aımaq» boıynsha ólshemder qoldanylady).
Qoǵamdyq monshalar, saýnalar, jeke jaǵajaılar men akvaparkter jumys kúnderi 8.00-den 23.00-ge deıin jumys isteıdi. Demalys kúnderi jumys isteýge tyıym salady. (Bul eredeniń «Ashyq» pılottyq jobasyna qatysatyn nysandarǵa qatysy joq, olar úshin «sary aımaq» boıynsha ólshemder qoldanylady);
mektepterde oqytýdy 9-11 synyptardy qospaǵanda (tolymdylyǵy 15 adamnan aspýy kerek) onlaın formatqa aýystyrý kerek.
Joǵary oqý oryndary men kolledjderdiń birinshi kýrs stýdentterin oqytýdy onlaın formatqa aýdarý qajet.
Sondaı-aq, anımatronıka teatrlarynyń, okeanarıýmnyń, haıýanattar baǵynyń jumys isteýine, sporttyq jáne buqaralyq is-sharalardy ótkizýge, kontsert zaldarynyń, teatrlardyń jumysyna tyıym salynady.