Elordada 3 jasar qyz toǵyzynshy qabattan qulap kóz jumdy

ASTANA. QazAqparat – Astanada kópqabatty úıdiń 9-qabatynan qulaǵan 3 jasar sábı oqıǵa ornynda qaıtys boldy, dep habarlaıdy QazAqparat tilshisi Astana qalasy polıtsııa departamentiniń baspasóz qyzmetine silteme jasap.

«10 maýsymda 102 kanalyna Júrgenov kóshesindegi úıdiń aýlasynda 9-qabat bıiktikten bala qulaǵany týraly aqparat kelip tústi. Oqıǵa ornyna polıtsııa qyzmetkerleri jedel jetti. Úsh jasar qyz alǵan jaraqatynan sol jerde kóz jumdy», - delingen resmı habarlamada.

Aqparatta aıtylǵandaı, oqys oqıǵa boıynsha saraptama taǵaıyndaldy.

Astana qalasynyń polıtsııa departamenti qaýipsizdik erejelerin saqtaý jáne balalardy nazardan tys qaldyrmaý kerektigin taǵy bir eske salady:

- Bala úıde bolǵanda terezelerdi ashyq qaldyrmańyz. Ózim qasyndamyn ǵoı dep oılaısyz, biraq sizdiń bir sát basqa nársege alańdaýyńyz, balanyń ómirin qııýy múmkin;

- Eshqashan moskıt torlaryna senbeńiz, balalar olarǵa súıenedi jáne tormen birge qulap ketýi múmkin;

- Bala terezeni ózdiginen asha almaıtyndaı arnaıy qorǵanys júıelerin (qulyp, blokator) ornatyńyz;

- Jıhazdy terezeden alys qoıyńyz, sonda bala tereze aldyna shyǵa almaıdy.