Elordada 25 jas aqynnyń óleńi jınaqqa enedi

ASTANA. QazAqparat - «Memlekettik rámizder maqtanyshym!» jáne «Máńgilik el - muratym!» taqyryptarynda ótetin Astana qalalyq jas aqyndar músháırasynyń qorytyndysy boıynsha jyr jınaq jaryq kórmek, dept habarlaıdy QazAqparat. Baıqaýǵa qatysqan úzdik 25 aqynnyń qos óleńi kitapqa basylyp shyǵady. Patrıottyq taqyryptaǵy jınaq 50 shyǵarmadan turatyn 1 100 tırajben taralady.

Astana qalasy ákimdiginiń jastar saıasaty máseleleri basqarmasynyń basshysy Ashat Oralov málimdedi.

-  Aqyndardyń jınaǵy Astana qalasynyń mektepterine qazaq tili men ádebıet pánderine qosymsha qural retinde taratylatyn bolady. Sonymen qatar qalanyń  barlyq 18 kitaphanasyna úlestiriledi. Ár aqynǵa jınaqtyń 10 danasyn beretin bolamyz, - dedi Ashat Oralov.

«Memlekettik rámizder maqtanyshym!» jáne «Máńgilik el - muratym!»  taqyrybyndaǵy QR memlekettik rámizderiniń 25 jyldyǵyna arnalǵan Astana qalalyq jas aqyndar arasyndaǵy músháırasynyń bastalýyna arnalǵan  baspasóz konferentsııada baıqaýdyń ótetin kúnderi men júlde qory belgili boldy.  14 - 29 aralyǵyndaǵy jas aqyndar qatysa alatyn baıqaý, bıyl 5-tamyz ben 5-qyrkúıek aralyǵynda ótedi. 

Baıqaýdyń júlde qory 1,2 mln teńge kóleminde. Músháıra jeńimpazdary I, II jáne III dárejeli dıplomdarmen jáne Astana qalasynyń Jastar saıasaty máseleleri basqarmasynyń aqshalaı syılyǵymen marapattalady.