Elordada 2,5 myńnan astam jol jumysshysy qar kúreýge shyqty

<p>ASTANA. KAZINFORM &ndash; Elordada keıingi kúnderi qar mol jaýdy. Kommýnaldyq qyzmetter táýlik boıy kúsheıtilgen rejımde jumys istep jatyr. Kún saıyn qar tazalaýǵa 2 myńnan astam jol jumysshysy jumyldyrylady.&nbsp;</p>

Astana ákimdigi resmı saıtynyń habarlaýynsha, 13 naýryz kúni tańerteń qala kósheleriniń qaryn kúreýge 2,5 myńnan astam jol jumysshysy men 1,1 myńnan astam arnaıy tehnıka shyqqan. 

12 naýryzdan 13-ine qaraǵan túni kommýnaldyq qyzmetter qar polıgondaryna 1 300 myńnan astam reıs arqyly 18 myń tekshe metrden astam qar shyǵardy.

Qys mezgiliniń basynan bastap elordadan 459,2 myń reıspen 6,21 mln tekshe metr qar shyǵaryldy.

Qalada qar kúreý táýlik boıy aýysymdyq rejımde júrgiziledi. Birinshi kezekte ortalyq kósheler, jolaýshylar kóligi marshrýttary, aıaldamalar men trotýarlar tazalanady.

Kóktaıǵaq kezinde qala turǵyndarynyń qaýipsizdigi úshin joldarǵa, trotýarlar men kóshelerge qum-tuz qospasy sebiledi. Kólik júrgizýshileri jolda muqııat bolýy, jyldamdyq rejımin saqtaýy qajet.