Elordada 23 jyl ishinde qandaı mádenı nysandar men eskertkishter ashyldy
Elorda búginde ıdeıalardy júzege asyratyn naǵyz mádenı ortalyqqa aınaldy.
Qazirgi Nur-Sultannyń qalyptasýynyń bastapqy kezeńinde munda eki oblystyq teatr (Qazaq, Orys), úsh oblystyq murajaı (Beıneleý óneri murajaıy, S.Seıfýllın murajaıy, Tarıhı-ólketaný murajaıy), bir kınoteatr (Oktıabr), mádenıet jáne demalys saıabaǵy, úsh mádenıet saraıy, oblystyq kınovıdeolardy jalǵa berý, fılarmonııa, 19 qalalyq jáne bir oblystyq kitaphana (S. Seıfýllın atyndaǵy) jumys istedi. Osylaısha qalada bas-aıaǵy 32 mádenıet nysany bolatyn.
Jas qalamyzda jyl saıyn jańa mádenıet nysandary ashylyp, shyǵarmashylyq ujymdar, festıvalder quryldy. Olardyń kóbisi búginge deıin túrli halyqaralyq baıqaýlarda júldeli oryndar aldy.
1997 jyly el astanasynyń memlekettik fılarmonııasy ashylyp, onyń negizinde alǵashqy kásibı ujym – Qazaq halyq aspaptar orkestri quryldy.
1998 jylǵy 10 maýsymda Qazaqstannyń jańa astanasynyń tusaýkeseri ótti. Bir aıdan keıin «Astana» birinshi halyqaralyq avtorlyq ánder festıvali, al qazan aıynda «Shabyt» birinshi halyqaralyq shyǵarmashyl jastar festıvali ótti. Osy aıtýly mádenı is-sharalar áli kúnge deıin kóptegen talanttardy jınap, olardyń shyǵarmashylyq jolyna septigin tıgizip keledi.
2000 jyl elimizdiń Tuńǵysh Prezıdenti – Nursultan Nazarbaevtyń Jarlyǵymen Mádenıetti qoldaý jyly bolyp jarııalandy. Dál sol kezde elordada K.Baıseıitova atyndaǵy Ulttyq opera jáne balet teatry ashyldy. Onyń janynan sımfonııalyq orkestr, hor, balet trýppasy quryldy.
Qazirgi ýaqytta QR QK Ulttyq áskerı-patrıottyq ortalyǵy ornalasqan QR Prezıdenttik mádenıet ortalyǵynyń ashylýy jyldyń jarqyn oqıǵasy boldy. Sondaı-aq tarıhı-mádenı murany qorǵaý jónindegi memlekettik ınspektsııa quryldy.
2001 jyldyń 8 qyrkúıeginde «Atameken» Qazaqstan Kartasy kesheniniń ashylýymen este qaldy, munda elimizdiń barlyq qalalary men óńirleriniń basty kórikti jerlerin kórýge bolady. 2001 jyly Astana alǵash ret X Respýblıkalyq «Jas qanat» estradalyq ánder festıvaliniń ıesi atandy.
Bir jyldan keıin elordada eń biregeı jáne aıtýly nysandardyń biri – «Báıterek» monýmenti óz esigin aıqara ashty.
2003 jyly Internatsıonalnyı, Mıchýrıno, Prıgorodnyı sııaqty turǵyn alaptarynda kitaphanalar belsendi túrde ashyla bastady. Al Kóktal shaǵyn aýdanynda Mádenıet úıi qalpyna keltirildi, qazir munda «Naz» memlekettik bı teatry jumys isteıdi.
2004 jyly Qazaqstan Respýblıkasy Tuńǵysh Prezıdentiniń Mýzeıi men QR Ulttyq akademııalyq kitaphanasy quryldy.
Bir jyldan keıin «Astananyń gúldenýi – Qazaqstannyń gúldenýi» memlekettik baǵdarlamasy aıasynda 2000 oryndyq astanalyq tsırktiń qurylysy aıaqtaldy. Al 2006 jyly Beıbitshilik jáne kelisim saraıy salyndy.
2007 jyl jańa shyǵarmashylyq ujymdardyń qurylýymen este qaldy: «Naz» memlekettik halyq bı teatry, «Shalqyma» halyq bı ansambli, Jas kórermender teatry.
Elordanyń on jyldyǵynda, ıaǵnı 2008 jyly «Qazaq eli» monýmenti men Táýelsizdik saraıy saltanatty túrde ashyldy. Sonymen qatar, halqymyzdyń kórnekti tulǵalary – Álııa Moldaǵulovaǵa, Jambyl Jabaevqa, Baýyrjan Momyshulyna arnalǵan úsh eskertkishpen tolyqty.
2009 jyldyń sońynda 3 500 kórermenge arnalǵan biregeı jáne eń iri «Qazaqstan» ortalyq kontsert zaly ashyldy.
2010 jyldyń jeltoqsany elorda úshin aıtýly oqıǵalarǵa toly boldy. Dál sol kezde qalada EQYU-ǵa qatysýshy elderdiń sammıti ótti.
Qazaqstan 2011 jyly elordada VII Qysqy Azııa oıyndarynyń saltanatty ashylýynda halyqaralyq qoǵamdastyq nazaryn ózine aýdartty. El Táýelsizdiginiń 20 jyldyǵyn merekeleý jyly qalada «Máńgilik el» saltanat qaqpasy ashyldy.
Bir jyldan keıin el astanasynda Reseıdiń Halyq ártisi Denıs Matsýevtiń qamqorlyǵymen «Accordi di Astana» birinshi halyqaralyq klassıkalyq mýzyka baıqaýy tanystyryldy.
2013 jylǵy 2 shilde – Qazaqstannyń Ulttyq murajaıyn ashý týraly Qaýlyǵa qol qoıylǵan kún.
2015 jyldyń mamyr aıynda elordada Keńes Odaǵynyń batyry, áskerı jetekshi Ivan Panfılov eskertkishi saltanatty túrde ashyldy. 2016 jyldyń qyrkúıeginde Qazaqstannyń júreginde barlyq parametrler boıynsha biregeı oqý orny – Qazaq ulttyq horeografııa akademııasy esigin aıqara ashty. Bir aıdan keıin Halyq Qaharmany Raqymjan Qoshqarbaevqa eskertkish ornatyldy.
2017 jyly Esil ózeniniń jaǵasynda amfıteatrdyń, sondaı-aq «Astana-EKSPO» kesheniniń saltanatty ashylýy ótti: Nur-Álem sferasy, Kongress-ortalyq jáne Energııa Holy.
Bir jyldan keıin elordada Komedııa teatry ashyldy, ol búginde kórnekti qazaqstandyq rejısser Ázerbaıjan Mámbetovtiń esimimen atalady («Nomad City Hall» MKQK).
2020 jyl qalanyń mádenı ómirinde Mýzykalyq jas kórermen teatrynyń ashylýymen jáne Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń jańa ǵımaratynyń salynýymen este qaldy.
Osy jyldyń mamyr aıynda Nur-Sultan qalasynda Keńes Odaǵynyń eki márte batyry Talǵat Bıgeldınovtiń eskertkishi ashyldy.
Búginde elordada 66 mádenıet mekemesi jumys isteıdi. Onyń ishinde 7 saraı (kontsert zaly), 5 mýzeı, 9 teatr, 20 kitaphana, 1 tsırk, 8 kınoteatr, 4 jeke Kórkemóner galereıasy, 2 kontserttik uıym, 8 mádenıet jáne demalys saıabaǵy bar.