Elordada 200-ge jýyq mektep oqýshysy jumysshy mamandyǵy boıynsha dıplom alady
2023 jyly tehnıkalyq jáne kásiptik bilim berýde kolledjder bazasynda joǵary synyp oqýshylarynyń kásibı biliktiligin arttyrý maqsatynda pılottyq joba iske qosylǵan. Onda tańerteń mektepte sabaq oqıtyn oqýshy tústen keıin qaıta kásibı bilim beretin arnaıy oqý ornyna baryp bilim alady.
Baǵdarlamanyń ereksheligi joǵarǵy synyp oqýshysy mektepte bilim alýmen qatar bir mamandyqty ıgerip, oqýdy bitirgennen keıin attestatpen qosa dıplom alady.
Oqý júktemesiniń mólsheri kúnine tórt saǵattan aspaıdy. Bilim alý úshin oqý ýaqytynyń kólemi keminde 48 kredıtti quraýy tıis. Oqý merzimi – 1 jyl 5 aı.
Pılottyq joba aıasynda elordada úsh memlekettik kolledj tańdap alyndy. Búginde 156 oqýshy «Avtokólik quraldaryna tehnıkalyq qyzmet kórsetip jóndeý jáne paıdalaný», «Tigin óndirisi jáne kıim dızaıny», «Aspazshy» mamandyqtaryn oqyp, praktıkalyq tájirıbeden ótip jatyr.
Bıyl mamyr aıynda jobanyń alǵashqy bilim alýshylaryna kolledj dıplomy tabystalady. Astana qalasynyń Bilim basqarmasy, kolledj jáne mektep ákimshiligi, ata-analar ár aı saıyn balalardyń oqý úlgerimine baqylaý jasaý maqsatynda monıtorıng júrgizedi.
Aıta keteıik, jumysshy mamandyqtar jylyna oraı pılottyq jobanyń aýqymy keńeıtiledi. Bıyl qala kolledjderi 300-den astam oqýshy qabyldap, tiginshi, naýbaıshy, aspaz, shashtaraz, florıst, mobıldi óndiris mamany, elektr gaz salýshy mamandyqtary oqytylady dep josparlanyp otyr.
2025 jyly qandaı jumysshy mamandarǵa suranys joǵary bolatynyn jazǵan bolatynbyz.