Elordada 2 qar polıgony tolyp qalyp, úshinshisin ashýǵa týra keldi - «Astana tazalyq»
18:23, 27 Qańtar 2020
NUR-SULTAN. QazAqparat - Bıyl elordada ótken jyldyń osy ýaqytymen salystyrǵanda 55% kóp qar shyǵaryldy. Bul týraly qalalyq ákimdikte ótken brıfıngte «Astana tazalyq» JShS basshysynyń orynbasary Medeý Rajanov aıtty, dep habarlaıdy QazAqparat tilshisi.
«Qys bastalǵaly elordadan 2 mln 496 myń tekshe metr qar shyǵaryldy. Bul byltyrǵy jyldyń osy ýaqytymen salystyrǵanda 55% kóp», - deıdi Medeý Rajanov.
Onyń aıtýynsha, Saryarqa, Baıqońyr, Esil, Almaty aýdandarynda 4 qar polıgony jumys isteıdi.
«Esil aýdanyndaǵy eki qar polıgony tolyp qalyp, úshinshisi ashyldy. Qala boıynsha 1051 qar tazalaý tehnıkasy jumys isteýde. Jumys kúsheıtilgen túrde táýlik boıy jumys isteýde. Kóbinese kólik az júretin ýaqyt - túnde jumys isteımiz. Bizge qar tıeý jáne qar shyǵarý kezinde patrýl polıtsııasy jaqsy kómektesip jatyr», - deıdi ol.