Elordada 16,5 myńnan astam júk kóligimen qar shyǵaryldy

NUR-SULTAN. QazAqparat – Elordada qar tazalaý jumystary kúsheıtilgen rejımde júrgizilýde. Kún saıyn qardy tazalaýǵa 2 myńnan astam arnaıy tehnıka, 1900-ge jýyq jol jumysshylary jumyldyrylady, dep habarlaıdy QazAqparat qala ákimdiginiń resmı saıtyna silteme jasap.

Bir táýlik ishinde qaladan qar polıgondaryna 35 myń tekshe metrge jýyq qar shyǵaryldy. Bul táýligine 2,5 myńnan astam KAMAZ reısi. Qar polıgondaryna barlyǵy 16,5 myńnan astam reıs jasaldy.

Qalada barlyǵy 4 qar polıgony, rezervte taǵy 6 qar polıgony bar. Qar polıgondarynda táýlik boıy beınebaqylaý men baqylaýdyń zamanaýı júıesi ornatylǵan. Júıe kirý jáne shyǵý kezinde arnaıy tehnıkanyń memlekettik nómirin, kelý ýaqyty men kúnin tirkeýge múmkindik beredi. Bul júktiń kólemi men mazmunyn esepke alýǵa múmkindik beredi.
Osylaısha, polıgon jumysyn tıisti baqylaý aýdandy sanıtarlyq tazalaýmen baılanysty merdiger uıymdardy tártipke keltirýge jáne reısterdi tirkeý kezinde adam faktoryn boldyrmaýǵa múmkindik beredi.

Aıta ketý kerek, qys mezgili bastalǵannan beri qalanyń kommýnaldyq qyzmetteri kúsheıtilgen táýlik boıy jumys istep keledi. Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Sondaı – aq ortasha qarqyndy ýchaskeler-alańdar, vokzal mańyndaǵy aýmaqtar, trotýarlar, áleýmettik obektilerge kiretin joldar jáne t. b. qardan tazartylady.