Elordada 120 myńnan astam jeke tulǵa deklaratsııa tapsyrýy tıis

ASTANA. QazAqparat – Elordada 120 myńnan astam jeke tulǵa deklaratsııa tapsyrýy tıis. Bul týraly Astana qalasy boıynsha memlekettik kirister departamenti basshysynyń orynbasary Qanat Baltabekov aıtty, dep habarlaıdy QazAqparat tilshisi.

2023 jylǵy 1 qańtardan bastap memlekettik mekemeler men kvazımemlekettik sektor qyzmetkerleri men olardyń jubaılary úshin jalpyǵa birdeı deklaratsııalaýdyń ekinshi kezeńi bastaldy. Búginde elordada 120 681 jeke tulǵa deklaratsııa tapsyrýy tıis. Qazirdiń ózinde deklaratsııany 95 538 tulǵa usyndy, 25 143 jeke tulǵa usynǵan. Jalpyǵa birdeı deklaratsııalaýdyń basty maqsaty kóleńkeli ekonomıkany qysqartýdy qamtamasyz etý, sybaılas jemqorlyq deńgeıin tómendetý, bıýdjetke qosymsha túsimderdi qamtamasyz etý jáne áleýmettik saıasatty jetildirý bolyp tabylady

,- dedi Qanat Baltabekov Astana qalasynyń kommýnıkatsııalar qyzmetindegi brıfıngte.

Onyń atap ótýinshe, 2023 jyldan bastap deklaratsııany memlekettik mekemeler men kvazımemlekettik sektordyń qyzmetkerleri, sondaı-aq olardyń jubaılary tapsyrady. Kelesi jyldan bastap, deklaratsııany tapsyrý basshylar men zańdy tulǵalardyń quryltaıshylary, jeke kásipkerler men jubaılary úshin mindetti bolady. 2025 jyldan bastap azamattardyń qalǵan sanattary, ıaǵnı eldiń barlyq eresek turǵyndary deklaratsııalaýǵa jatady.

Salyq kodeksine sáıkes Qazaqstanda jalpyǵa birdeı deklaratsııalaý 2021 jyldyń 1 qańtarynan bastap engizildi jáne 4 kezeńde ótýde. Birinshi kezeńde eseptilikti memlekettik qyzmetshiler men olarǵa teńestirilgen tulǵalar tapsyrdy.