Elordada 1 tamyzdan bastap qoǵamdyq kólikte jol júrý tarıfi kóteriledi

<p>ASTANA. KAZINFORM &ndash; Elordada qoǵamdyq kólikte jol júrý quny 1 tamyzdan bastap 90 teńgeden 110 teńgege deıin artady. Qalalyq marshrýttarda jol júrýge 90 teńge tarıf 2014 jyldyń qyrkúıeginde belgilendi. Buǵan deıin qaýly jobasy ashyq NQA portalynda jarııa talqylaýǵa shyǵarylǵan bolatyn.&nbsp;</p>

Aıta ketý kerek, Astanada jáne qala mańynda oqıtyn 18 jasqa deıingi balalar úshin qoǵamdyq kólikte jol júrý 2020 jyldyń naýryz aıynan bastap tegin uıymdastyrylyp keledi. Mindetti shart – mekteptiń kólik kartasynyń bolýy jáne ony avtobýsta valıdatsııa ótkizý.

Sondaı-aq kelesi sanattarǵa jatatyn azamattar jeńildikke ıe:

1) Ekinshi dúnıejúzilik soǵys ardagerleri jáne olarǵa teńestirilgen adamdar; 

2) jasy jáne eńbek sińirgen jyldary boıynsha zeınetkerler, sondaı-aq jasy boıynsha jáne asyraýshysynan aıyrylý jaǵdaıy boıynsha zeınetkerlik jasqa tolǵan memlekettik áleýmettik járdemaqy alýshylar;

3) kópbalaly analar;

4) kópbalaly otbasylar;

5) múgedekter;

6) on segiz jasqa deıingi múgedek balalar, onyń ishinde ata-analarynyń biri (zańdy ókilderi).

7) «Jappaı saıası qýǵyn-súrgin qurbandaryn ońaltý týraly» Qazaqstan Respýblıkasynyń Zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqıǵalarǵa qatysýshylar qatarynan saıası qýǵyn-súrgin qurbandary.