«Elorda zhastary» turǵyn úı baǵdarlamasymen 150 nesıe berildi

NUR-SULTAN. QazAqparat - Nur-Sultan qalasynda «Elorda zhastary» baǵdarlamasy aıasynda jastarǵa jeńildetilgen nesıe beriledi, dep habarlaıdy QazAqparat elorda ákimdiginiń resmı saıtyna silteme jasap habarlaıdy.

«Jumys isteıtin jastarǵa arnalǵan «Elorda zhastary» jeńildikpen kredıt berý baǵdarlamasy boıynsha ótinimder qabyldaý qazan aıynda bastaldy. Búgingi tańda 150 nesıe berildi», - deıdi onlaın brıfıngide qalalyq jastar saıasaty máseleleri basqarmasynyń basshysy Qaırat Qambarov.

Baǵdarlama aıasynda jumys isteıtin jastarǵa 18 mln teńgege deıin jeńildetilgen nesıe beriledi.

Sharttar kelesideı:

- paıyzdyq mólsherleme – jyldyq 5%;
- bastapqy jarna – 10%;
- nesıe merzimi – 25 jylǵa deıin.

Budan bólek, astanada 3 jyldan beri taǵy bir baǵdarlama iske asyrylyp keledi. Ol – jumys isteıtin jastar úshin satyp alý quqyǵynsyz jalǵa beriletin turǵyn úı jobasy. Bıyl baǵdarlama boıynsha 4 863 ótinim tússe, berilgen páterler sany – 1050. Іrikteý baldyq júıe boıynsha, al páterlerdi bólý ótinish berýshilerdiń otbasy quramyna qaraı júrgizildi.

Aıta keteıik, búginde elordadaǵy jastar sany – 232 065. Qalanyń 15 joǵary oqý ornynda 62 788 stýdent (bakalavrıat, magıstratýra, doktorantýra) bilim alyp júr. Jumys isteıtin jastar sany – 133,2 myń.