«Elorda jastary syılyǵyna» qujat qabyldaý bastalady

NUR-SULTAN. QazAqparat – «Elorda jastary syılyǵy -2019» konkýrsyna qujattar qabyldaý qyrkúıekte bastalady, dep habarlaıdy QazAqparat tilshisi.

Bıyl bul konkýrstyń jeńimpazdary 16 atalym boıynsha jáne eki arnaıy syılyqpen marapattalmaq. Baıqaý ótinimderi 1qyrkúıek pen 15 qazan aralyǵynda [e-mail] elektrondy mekenjaıy arqyly qabyldanady.

«Bul joba barlyq astanalyq jastarǵa jaqsy múmkindik dep oılaımyn. Sebebi 18 túrli baǵyt bolǵandyqtan, elorda jastary eńbek etip júrgen barlyq salany qamtydy dep oılaımyz. Bıyl atalym sany byltyrǵydan kóp. «Ulttyq óner» jáne «Úzdik jastar tetary» degen eki atalym qostyq. Budan bólek «Úzdik jýrnalıst», «Úzdik sportshy,» «Úzdik estrada ánshisi», «Úzdik áleýmettik sala qyzmetkeri», «Úzdik óndiris qyzmetkeri», «Jyl volontery», «Úzdik kásipker», «Úzdik memlekettik qyzmetker», «Úzdik SMM-menedjer» sııaqty nomınatsııalar boynsha da júlde taǵaıyndap otyrmyz. Konkýrsqa 14-29 jas aralyǵyndaǵy elordanyń kez kelgen turǵyny qatysa alady. Úmitkerlerdiń ótinimderin arnaıy komıssııa qarap, ár atalym boıynsha úzdik úsh adamdy irikteıdi. Olardyń arasyndaǵy úzdikti qazylar alqasy men halyq birge tańdaıdy. Bıyl SMS arqyly daýys beretin bolady», - deıdi jobanyń bas uıymdastyrýshysy Alpamys Sharymov.

Daýys berý 30 qarasha kúni aıaqtalyp, nátıjesi 7 jeltoqsan kúni «Beıbitshilik jáne kelisim» saraıynda ótetin saltanatty shara kezinde jarııalanady. Nur-Sultan qalasynyń qoǵamdyq damý isteri basqarmasynyń jastarmen jumys bólimi basshysynyń mindetin atqarýshy Aqulan Tastemir konkýrsqa qatysatyn jastardyń elordanyń ómirine eńbegi sińýi basty shart ekenin atady.

«Nur-Sultanǵa oqýǵa kelgen ózge óńirdiń jastary bul konkýrsqa qatysa ala ma degen suraq týyndaýy múmkin. Konkýrsqa ótkizetin marapattar men júldelerdiń qujatynda, atqarǵan sharýalary týraly anyqtamalyq aqparattarda Nur-Sultan nemese Astana degen mekenjaı bolýy kerek. Jarystyń júlde qory byltyrǵy qalpynda qaldy. ıAǵnı, ár atalym boıynsha bir ǵana jeńimpaz bolady. Oǵan 100 myń teńge jáne baǵaly tastarmen aıshyqtalǵan músin tabystaımyz. Jeńimpazdar respýblıkalyq «Daryn» jastar syılyǵyna avtomatty túrde úmitker bolyp tirkeledi», - dedi Aqulan Tastemir.

Tamyz aıynyń sońǵy kúnderi osy konkýrsqa arnalǵan jeke saıt ashylmaq.