«Elorda jastary» baǵdarlamasyna qaı mamandyq ıeleri qatysa alady

NUR-SULTAN. QazAqparat – «Otbasy bank» AQ ortalyq fılıalynyń dırektory Jansultan Mataev «Elorda jastary» baǵdarlamasyna qandaı salanyń jastary qatysa alatynyn atady, dep habarlaıdy QazAqparat tilshisi.

«35 jasqa deıingi jastardy qoldaý baǵdarlamasy Almaty qalasynan bastaý aldy. Nur-Sultan qalasynyń ákimdigimen de osy másele boıynsha jumys júrgizilip jatyr. Munda da paıyzdyq mólsherlemesi 5 paıyz, alǵashqy jarna 10 paıyz, nesıeniń merzimi – 25 jylǵa deıin. Bul jerde jergilikti ákimdik qandaı salanyń jastaryn qoldaıtynyn ózderi tańdap, anyqtady. Onyń ishinde densaýlyq saqtaý, bilim berý, mádenıet jáne sport, BAQ ókilderin, áleýmettik sala ókilderin qoldaý qarastyrylǵan. «Elorda jastary» baǵdarlamasynyń artyqshylyǵy otbasyly jastar ǵana emes, otbasyn qurmaǵandar da qamtylady», - dedi Jasulan Mataev.

Al «Otbasy bank» AQ basqarma tóraıymy Lázzat Ibragımovanyń málimeti boıynsha, «Almaty jastary» aımaqtyq baǵdarlamasyna bıyl 18 mlrd teńge bólingen. Sonyń arqasynda 1000 jasqa páter berý josparlanyp otyr.

Buǵan deıin habarlaǵanymyzdaı, mamyr aıynda «Shańyraq» baǵdarlamasy boıynsha beriletin 8000 páter Baspana.kz saıtyna shyǵarylady.

Osy sharada birjolǵy zeınetaqy tólemderin paıdalaný qaǵıdalaryna tolyqtyrýlar engiziletini málim boldy.