Elorda janyndaǵy Talapker kúzde ortalyqtandyrylǵan aýyz sýmen qamtamasyz etiledi

KÓKShETAÝ. QazAqparat - Tselınograd aýdany Talapker aýylynda birortalyqtandyrylǵan aýyz sý máselesi ótkir bolyp qalýda. Bul máseleniń óńirde qalaı sheshilip jatqandyǵy týraly Aqmola oblysynyń ákimi Ermek Marjyqpaev halyqpen eseptik kezdesýde aıtty, dep habarlaıdy QazAqparat tilshisi.

«2019 jyly biz quny 3 mıllıard teńgege jýyq sýmen jabdyqtaý boıynsha jobany bastadyq. Eki jyl ishinde biz 1,7 mıllıard teńgeni ıgerdik, qalǵan aqsha bıylǵa josparlanǵan. Kúzde kentti sapaly sýmen qamtamasyz etý josparda bar», – dep Talapker turǵynnyń saýalyna jaýap berdi Ermek Marjyqpaev.

Osy rette, aımaq basshysy aýyldaǵy halyq sany men turǵyn úılerdiń joǵary qarqynmen kóbeıýine baılanysty ınjenerlik ınfraqurylymdardy der kezinde tartý múmkin bolmaı otyrǵandyǵyn atap ótti.

«Eger 2011 jyly bul aýylda eki myńǵa jýyq adam ómir súrse, búgingi tańda 20 myńnan asyp otyr. Sondyqtan, biz bir jerde jeliler boıynsha úlgermeımiz, biraq bizde aýqymdy jumys júrgizilýde», – dep tolyqtyrdy Ermek Marjyqpaev.

Aımaq basshysy atap ótkendeı, qazirgi kezde, elorda mańyndaǵy aýyldarda damytý «Qala mańyn damytý», «Aýyl el – besigi» jáne «Jumyspen qamtýdyń jol kartasy» memlekettik baǵdaralamalary arqyly júzege asyrylýda. Jalpy, 2015-2020 jyldar aralyǵynda elorda mańyndaǵy eldi mekenderdi damytýǵa 56 mıllıard teńge qarjy bólinip, bıýdjettik ınvestıtsııalar kólemi úsh esege ulǵaıǵan.