Elorda vokzalynyń menedjeri Ashyq týraly: Halyq topyrlap, kezek kútip turmaıdy

NUR-SULTAN. QazAqparat – Elordadaǵy «Nurly jol» vokzaly Ashyq jobasymen jumys isteıdi jáne onda adamdar shoǵyrlanbaýy kerek. Bul týraly atalǵan vokzal menedjeri Batyrhan Ábdikárim málim etti, dep habarlaıdy QazAqparat tilshisi.

«Ashyq qosymshasy vokzaldyń 13 kireberisinde jumys isteıtin bolady. Vokzalǵa kelýshilerdiń barlyǵy óz mártebesin atalǵan joba arqyly anyqtap, teksertýi kerek. Adamdardyń shoǵyrlanýy bolmaýy tıis», - dedi B. Ábdikárim.

Odan bólek, vokzal ókili Ashyq jobasymen qatar basqa da karantın talaptarynyń qatań saqtalatynyn tilge tıek etti.

Buǵan deıin «Nurly jol» vokzalynyń menedjeri jolaýshylardy shyǵaryp salýshylar men kútip alýshylardyń vokzalǵa qalaı kirip-shyǵatynyna qatysty pikir bildirgen bolatyn.

Aıta keteıik, 17 maýsymnan bastap atalǵan vokzal Ashyq jobasymen jumys isteı bastaıdy.