Elorda turǵyny: Vaktsınatsııa – burynǵy ómirdi qalpyna keltirýdiń jalǵyz joly
Vaktsınatsııa búginde búkil álemde koronavırýs pandemııasymen kúresýdiń jalǵyz, tıimdi joly retinde sanalady. Vaktsınanyń arqasynda ǵana ujymdyq ımmýnıtetti qalyptastyryp, qalypty ómir rejımine oralýǵa bolady
Ǵalymdar men dárigerler vaktsınatsııalanǵandardyń koronavırýsty áldeqaıda az juqtyratynyn, tipti juqtyrǵan jaǵdaıda da aýrý jeńil ótip, ólim-jitimsiz aıaqtalatynyn aıtady. Vırýs únemi qubylyp otyratynyn eskersek, jurt ımmýndaýdan neǵurlym tez ótse, soǵurlym qaýipti aýrýdyń taralýyn toqtata alady. Ekpeni statsıonarlarda táýlik boıy patsıentterdiń densaýlyǵy úshin kúresip júrgen medıtsına qyzmetkerleri ǵana emes, sonymen qatar qoǵam qaıratkerleri, sportshylar, ártister, eriktiler, tanymal tulǵalar men elorda turǵyndary da qoldaıdy.
Vaktsınatsııanyń arqasynda ujymdyq ımmýnıtetti qalyptastyryp, qalypty ómirge oralýǵa, úlken dastarhan basynda bas qosýǵa, jattyǵýlarǵa barýǵa, súıikti jerlerińizde serýendeýge, densaýlyǵyńyzǵa alańdamaı kezdesý ótkizýge múmkindik beredi.
«Vaktsına alǵannan keıin ózińdi jaıly sezinesiń, óıtkeni, ózińdi osylaı qaýipten qorǵaısyń. Vaktsınatsııa – ómirdi qalpyna keltirýdiń jalǵyz joly. Báriniń vaktsına alýyn keńes etemin», - dedi elorda turǵyny Gúlsharat Nurǵalıeva.
Aıta keteıik, búginde Nur-Sultanda koronavırýsqa qarsy vaktsınanyń birinshi komponentin 376 myńnan astam adam aldy, al 295 myńnan astam azamat tolyq ımmýndaýdan ótti.
https://astana.gov.kz/kz/news/news/28481