Elorda turǵyny kóligimen asa iri mólsherde esirtki tasyǵan

ASTANA. QazAqparat - Aqmola oblysynyń polıtseıleri elorda turǵynynan mefedron men 250-den astam esirtki býmasyn tárkiledi, dep habarlaıdy QazAqparat Polisia.kz-ke silteme jasap.

Aqmola oblysy PD Esirtki qylmysyna qarsy is-qımyl basqarmasy qyzmetkerleriniń jedel aqparaty boıynsha, 30 jastaǵy elorda turǵyny asa iri mólsherde Astana, Pavlodar, Soltústik Qazaqstan jáne Aqmola oblystaryna mefedron men tuz sıntetıkalyq esirtkilerin jetkizýmen jáne ótkizýmen aınalysqan.

12 qazanda Aqmola polıtseıleri arnaıy bólimsheler qyzmetkerleriniń kómegimen operatsııa nátıjesinde Kókshetaý qalasyna kireberis jolda, «Qulager» qonaq úıiniń janynda Astana qalasynyń 30 jastaǵy turǵynynyń basqarýyndaǵy avtokólikti toqtatty. Avtokólikti ruqsatsyz tintý barysynda kapottyń astynan sarǵylt tústi, untaq konsıstentsııaly, erekshe ıisi bar, móldir skochpen oralǵan úlken polıetılen baılamy (shamamen 200 gramm mefedron), sondaı-aq qara tústi ızolentamen oralǵan 256 býma qyzyl jáne sarǵylt tústi untaq zaty (salmaǵy shamamen 150 gramm) tabylyp, tárkilendi.

Sonymen qatar, esirtki jasyrylǵan oryndardan fıksatsııalanǵan eki uıaly telefon tárkilendi. Qazirgi ýaqytta jedel ýákilder esirtki satyp alý arnasyn anyqtaý boıynsha is-sharalar júrgizýde.

Foto: polisia.kz