Elorda turǵyndarynyń saýda oryndaryna «halyqtyq baqylaý» jasaýǵa múmkindigi bar
12:14, 07 Qazan 2013
ASTANA. 7 qazan. QazAqparat - Astananyń salyq departamenti óziniń astananalog.kz saıtynda «Halyqtyq baqylaý» ataýymen jańa jobany iske qosty.
Atap aıtqanda, bul joba arqyly elordanyń turǵyndary men kásipkerleriniń salyqshylarmen birlese otyryp, qaladaǵy dúkender men dámhanalar,meıramhanalar, sondaı-aq býkmekerlik keńseler kassalarynyń zańsyz qyzmet etý faktilerin áshkereleýge atsalysýyna bolady.
«Anyqtalǵan faktiler týraly qala turǵyndary Astananyń salyq organdaryna saıt arqyly joldaı alady nemese salyq departamentiniń 77-33-20, 77-33-21 telefon nómirlerine qońyraý shalyp, habarlasý múmkindigi bar. Osy joba alaqol salyq tóleýshilerdi ýaqtyly anyqtaýǵa jáne olardyń zańsyz qyzmetine jol bermeýge, adal básekelestiktiń damýyn qamtamasyz etýge jol ashady», delingen taratylǵan málimette.