Elorda turǵyndarynyń 82,7 paıyzy tegin medıtsınalyq kómek alady
«Elordada turǵyndardyń 82,7 paıyzy MÁMS júıesiniń qatysýshylary sanalady. Al saqtandyrylmaǵandar úlesi – 17,3 paıyz. 2023 jyldyń 31 naýryzyndaǵy jaǵdaı boıynsha MÁMS júıesine qatysýshylar sany - 1 092 807 adam. Áli de 228 551 qala turǵyny MÁMS júıesinen tys qalyp otyr» - delingen Áleýmettik medıtsınalyq saqtandyrý qorynyń elorda fılıaly taratqan aqparatta.
2023 jyldyń 31 naýryzyndaǵy jaǵdaı boıynsha MÁMS júıesinde saqtandyrylmaǵan Astana qalasy turǵyndarynyń úlesi mynadaı: sońǵy 12 aıda tólemderi joq adamdar – 59; jumyskerler – 26; jeke kásipkerler – 4,6; azamattyq-quqyqtyq sıpattaǵy shart boıynsha jumys isteıtin tulǵalar – 4,5; derbes tóleýshiler – 3; BJT tóleýshiler – 2; taǵy basqalary 0,2 paıyz.
«Qor medıtsınalyq qyzmetterdiń sapasy men qoljetimdiligin jaqsartý jáne halyqty MÁMS júıesine barynsha tartý baǵytynda turaqty jumys júrgizýde. Qazir elorda turǵyndarynyń 82,7 paıyzy júıede saqtandyrylǵan. ıAǵnı, qajet bolǵan jaǵdaıda olar medıtsınalyq saqtandyrý paketinde medıtsınalyq kómek ala alady. Degenmen, 200 myńnan asa azamat túrli sebeptermen júıeden tys qalǵan. Áıtse de, MÁMS júıesinde saqtandyrý mártebesi bolmasa da, barlyq azamattar tegin medıtsınalyq kepildendirilgen kómek kóleminde medıtsınalyq kómek ala alady», - dedi elorda fılıalynyń dırektory Nurlybek Qabdyqaparov.