Elorda turǵyndary 103,8 mlrd. teńgeniń múlikterin zańdastyrdy

ASTANA. QazAqparat - Múlikti zańdastyrý sharalarynyń qorytyndysy boıynsha 19.09.16 j. respýblıka aýmaǵynda astanalyqtardan jalpy somasy 103,8 mlrd teńgege 7 867 ótinish kelip tústi.

Onyń ishinde: 63,3 mlrd teńgesi 9 899 turǵyn úı nysanyn, 40,5 mlrd teńgesi 10 534 turǵyn emes nysandardy, onyń ishinde 22,6 mlrd teńgege 1 077 kommertsııalyq nysandy zańdastyrýmen baılanysty. Sondaı-aq 0,5 mlrd teńgeniń zańdy tulǵalardyń jarǵylyq kapıtalyndaǵy 5 qatysý úlesi bar.

Astana qalasy boıynsha memlekettik tabys departamentiniń aqparatyna sáıkes, quny 35 mlrd teńge bolatyn 7 223 nysan zańdastyryldy.

Sondaı-aq quny 1,1 mlrd. teńge bolatyn 10 nysan boıynsha, baǵasy 0,5 mlrd teńgelik QR aýmaǵyndaǵy zańdy tulǵalardyń 1 qatysý úlesin jekeshelendirý boıynsha 5 arnaıy deklaratsııa usynyldy.

Shetelde múlikti jekeshelendirý boıynsha quny 0,5 mlrd teńge bolatyn 11 nysan boıynsha 11 arnaıy deklaratsııa usynyldy. Sonymen qatar, somasy 6,3 mln teńgelik QR tys jerdegi zańdy tulǵalardyń jarǵylyq kapıtalynyń 3 qatysý úlesi zańdastyryldy.

Aqshalaı qarajatty zańdastyrý boıynsha somasy 458,2 mlrd teńgelik 406 arnaıy deklaratsııa usynyldy. Onyń ishinde esep engizýsiz 8,2 mln teńge kólemindegi jıynnyń 10 paıyzy tólene otyryp, 82,5 mln teńge zańdastyryldy.

Sondaı-aq somasy 8,1 mln teńgege baǵaly qaǵazdar zańdastyryldy.