Elorda týraly eń úzdik ánniń avtory - «Azııa» toby

NUR-SULTAN. QazAqparat - Astanalyq amfıteatrdyń sahnasynda qala ákiminiń kýbogy úshin karaokeden chempıonat ótti. Іs-shara barysynda elorda týraly úzdik án baıqaýynyń jeńimpazy anyqtaldy, dep habarlaıdy QazAqparat qala ákimdiginiń saıtyna silteme jasap.

Nur-Sultan qalasyna arnalǵan úzdik án baıqaýynyń jeńimpazy - «Azııa» toby. Baıqaý elordalyq ákimdiktiń bastamasymen Jastar jyly aıasynda ótti.

Kelip túsken 36 ótinimniń 31-i qatysty. Jeńimpaz sertıfıkatyn jáne 3 000 000 teńge kólemindegi aqshalaı syılyqty «Azııa» tobyna Nur-Sultan qalasy ákiminiń orynbasary Erlan Kanalımov tabys etti.

«Joba qala kúnin merekeleý aıasynda júzege asyrylyp jatqany kezdeısoq emes, óıtkeni búginde elorda tek eldiń ınnovatsııalyq, ekonomıkalyq, áleýmettik damýynyń ǵana emes, Eýrazııanyń mádenı ortalyǵy sanalady. Búgingi osyndaı tamasha mereke kúni biz «Elorda týraly úzdik án» atty aýqymdy baıqaýdyń jeńimpazdaryn marapattaımyz», - degen Erlan Kanalımov qatysýshylarǵa shyǵarmashylyq tabys tiledi.