Elorda stýdentteri táýelsizdik alǵan alǵashqy kezeńdegi tarıhı qujattarmen tanysty
Ekskýrsııa barysynda stýdentter Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń qyzmetine qatysty qujattar men fotosýretterdi tamashalady. Kórmege qalalyq Qoǵamdyq damý basqarmasynyń, «Jas Otan» jastar qanatynyń, Qazaqstan stýdentteriniń odaǵy men Qazaqstannyń Jastar kongresiniń ókilderi qatysty.
«Bul jerde Táýelsiz Qazaqstannyń, ıaǵnı elimizdiń 1991 jyldan bergi tarıhyna qatysty qundy qujattar kórmesi tur. Ózińiz baıqaǵandaı munda elimiz egemendik alǵannan keıin alys jáne jaqyn shetelderdiń arhıv mekemelerimen «Mádenı mura» baǵdarlamasy aıasynda ákelingen tarıhı qujattar toptastyrylǵan. Elbasynyń jaqynda «Uly dalany jeti qyry» maqalasy jaryqqa shyqqanyn bilesizder. Onyń bir bóligi - sheteldik arhıvterdegi tarıhymyzǵa qatysty qujattardy ákelý ekenin bilesizder. ıAǵnı, arhıvtegi bul qundy qujattardyń qatary aldaǵy ýaqytta tolysatyn bolady», - dedi ekskýrsııany júrgizgen Ulttyq arhıvtiń qujattardy paıdalanýdy uıymdastyrý bóliminiń basshysy Sáýle Mushkenova.
Onyń aıtýynsha, kórmege sonymen qatar, jas táýelsiz Qazaqstan memleketiniń 1991 jyldan bergi qaýlylary men jarǵylary, buıryqtary qoıylǵan. Elorda stýdentteri ekskýrsııa barysynda qundy qujattarmen tanysyp qoımaı, egemen eldiń qalyptasý kezeńi jaıly qundy málimetterge qanyqty.