Elorda saıabaǵynda dinı konfessııalardyń ókilderi aǵash otyrǵyzdy

NUR SULTAN. QazAqparat - Búgin Tuńǵysh Prezıdent saıabaǵynda sımvolıkalyq máni bar aktsııa ótti: barlyq dinı konfessııalardyń ókilderi jańa ómirdiń bastaýy retinde aǵash otyrǵyzdy, dep habarlaıdy QazAqparat elorda ákimdiginiń resmı saıtyna silteme jasap.

Bul aktsııa jyl saıyn dástúrli túrde Qazaqstan halqynyń birligi kúnine uıymdastyrylyp keldi. Bıyl koronavırýs ınfektsııasynyń pandemııasyna oraı Qazaqstanda jarııalanǵan tótenshe jaǵdaı rejımine baılanysty mejelengen ýaqytta ótpeı qaldy.

Nur-Sultan qalalyq máslıhatynyń depýtaty Mıras Shekenov – búgin Konfessııaaralyq kelisim alleıasynda aǵash otyrǵyzǵandardyń biri. «TJ rejımi alyndy, elordanyń saıabaqtary ashyldy. Eki aptaǵa keshikse de, aktsııa ótti. Qazaqstandaǵy barlyq konfessııalardyń jetekshileri aǵash otyrǵyzdy. Mundaı aktsııalar Qazaqstannyń halqy birge ekenin kórsetedi. Eń bastysy – osy!», - dedi M.Shekenov.

Elordanyń bas ımamy Erbolat Júsipov aktsııanyń mańyzdylyǵyn aıta otyryp, Muhammed Paıǵambardyń (s.ǵ.s) hadısin eske aldy. «Ol «Kimde-kimniń qolynda bir shybyǵy bolsa, Qııamet bastaldy dese de dereý shybyǵyn eksin» degen. Hadıstiń maǵynasy ár musylman óz eliniń damýy men kórkeıýine úles qosýy tıis degendi bildiredi. Qazaqstanda ortaq maqsat – bizdiń ortaq úıimizdi damytýǵa múddeli túrli konfessııalardyń ókilderi ómir súredi», dedi Nur-Sultannyń bas ımamy.

Óz kezeginde Nur-Sultan qalasynyń astanalyq Hrıstıan Іnjil shirkeýiniń pastory Aleksandr Klıýshev aǵash otyrǵyzý aktsııasy Qazaqstandaǵy konfessııaaralyq kelisimniń kórinisi ekenin aıtty. «Endi biz kóshetterdi kútip, baptaımyz. Ári bul osy aǵashty otyrǵyzǵan jandardyń júregine jylýlyq syılaıtyn bolady, tipti aǵashty kim otyrǵyzǵanyn bilmeıtin adamdar úshin de», - dedi ol.

Aktsııany Nur-Sultan qalasynyń Din isteri basqarmasy uıymdastyrdy. Onyń maqsaty – qoǵam nazaryn qalanyń tazalyǵyn saqtaýǵa, ekologııalyq mádenıetti qalyptastyrý jáne ultaralyq tatýlyqqa aýdarý.