Elorda prokýratýrasy 4 ınvestordyń quqyǵyn qorǵady

<p>ASTANA. KAZINFORM &ndash; Elordalyq ýákiletti memlekettik organ tórt ınvestorǵa jer telimderin berýden negizsiz bas tartqan.</p>

Bas tartýlar aqparattyq júıelerdegi tehnıkalyq problemalarǵa («elektrondyq úkimet» shlıýzi, Egov.kz veb-portaly jáne Astana qalasynyń geoaqparattyq ortalyǵy) negizdelgen, sonyń saldarynan irgeles jer paıdalanýshylardyń ýchaskeleri bir-biriniń ústine qoıylǵan.

Nátıjesinde ınvestorlar uzaq ýaqyt boıy ınvestıtsııalyq jobalardy odan ári iske asyrý úshin jer ýchaskelerin ala almaǵan.

- Prokýrorlyq qadaǵalaý aktisi boıynsha ınvestorlardyń problemalyq máselesi sheshilip, kináli tulǵalar tártiptik jaýapkershilikke tartyldy.

Qabyldanǵan sharalar «halal» standarttary boıynsha jartylaı fabrıkattar óndirý tsehyn salý, munaı ónimderi qoımasyn salý jáne paıdalaný, óndiristik-qoıma keshenin paıdalaný jáne gazoblok óndirisi boıynsha jobalardy iske asyrýdy jalǵastyrýǵa yqpal etti.

Bul jobalar boıynsha ınvestıtsııalardyń jalpy kólemi 4,1 mlrd teńgeni quraıdy, olardy iske asyrý 240-tan astam jumys ornyn qurýǵa múmkindik beredi, - dep jazdy baqylaýshy organnan.

Esterińizge sala keteıik, problemalyq máseleler týyndaǵan kezde ınvestorlar bıznes pen ınvestorlardyń quqyqtaryn qorǵaý jónindegi mobıldi topqa 8-747-216-15-58 telefony arqyly júgine alady.