Elorda polıtsııasy kólik júrgizýshilerine jolda saq bolýdy eskertti
Nur-Sultan qalalyq polıtsııa departamentiniń málimetinshe, tańǵy saǵat 08:00 bastap qana 51 jol-kólik oqıǵasy oryn alyp, qala turǵyndarynyń biri jaraqat aldy.
Máselen, 21 qarasha kúni saǵat 21:20 shamasynda «Skoda Rapid» markaly avtokóliktiń 26 jastaǵy júrgizýshisi Q.Muhamedhanov kóshesimen kele jatyp, basqa qatarǵa aýysqan kezde jolaı kele jatqan kólikke jol bermegen. Sonyń saldarynan 22 jastaǵy júrgizýshi tizgindegen «Mercedes-benz 240c» markaly avtokóligimen soqtyǵysyp, ol aýdarylyp qalǵan. Jol apaty kezinde zardap shekkender joq.
«Skoda Rapid» júrgizýshisine qatysty QR ÁQBK 610-babynyń 1-bóligi boıynsha ákimshilik is qozǵaldy. Materıal Nur-Sultan qalalyq mamandandyrylǵan aýdanaralyq ákimshilik sotyna jiberildi.
«Nur-Sultan qalalyq polıtsııa departamenti aýa-raıynyń qolaısyzdyǵyna baılanysty júrgizýshilerge qozǵalys kezinde barynsha muqııat jáne saq bolýǵa, jyldamdyq rejımin, qaýipsiz qashyqtyqty jáne manevr jasaý erejelerin múltiksiz saqtaýǵa shaqyrady. Jaıaý júrginshilerge óte muqııat bolý kerektigin eskertedi», - delingen vedomstvo aqparatynda.