Elorda polıtsııasy esebinde turǵan jasóspirimder 14,4%-ǵa azaıǵan

ASTANA. QazAqparat – Elordada ótken jylmen salystyrǵanda polıtsııa esebine tirkeletin jasóspirimderdiń úlesi tómendegen. Bul týraly qalalyq bilim basqarmasynyń basshysy Qasymhan Senǵazıev málim etti, dep habarlaıdy QazAqparat tilshisi.

«Bilim berý mekemelerinde balalardyń qaýipsizdigin qamtamasyz etý jumystary – basym máselelerdiń biri. Osy baǵyttaǵy jumys quqyq buzýshylyqtyń aldyn alý jónindegi keshendi jospar sheńberinde júrgizilip keledi. Ótken jylmen salystyrǵanda ıývenaldy polıtsııada esepte turǵan balalar men jasóspirimder sany 14,4%-ǵa tómendedi», - dedi Qasymhan Senǵazıev qalalyq máslıhatta otyrysynda baıandama jasaı turyp.

Onyń aıtýynsha, bıyldan bastap kámeletke tolmaǵandardyń quqyqtaryn qorǵaý jáne áleýmettik beıimdeý jónindegi pılottyq joba qolǵa alyndy.

«Onyń aıasynda kámeletke tolmaǵandar arasynda qaıtalanǵan quqyq buzýshylyqtarǵa jol bermeý, olarǵa bolashaq mamandyǵyn tańdaýda qoldaý kórsetý, bos ýaqytyn uıymdastyrý boıynsha jumystar uıymdastyrylyp jatyr», - dedi ol.