Elorda polıtseıleri júrgizýshilerdi jolda qyraǵy bolýdy eskertti

NUR-SULTAN. QazAqparat – Nur-Sultanda táýlik ishinde 93 jol-kólik oqıǵasy tirkeldi, dep habarlaıdy QazAqparat Nur-Sultan qalasy polıtsııa basqarmasynyń baspasóz qyzmetine silteme jasap.

Elordanyń polıtsııa basqarmasy kún raıy jaǵdaıynyń qubylyp, buzylýyna baılanysty júrgizýshilerdi jol qozǵalysy kezinde qyraǵy bolyp, qaýipsizdik sharalaryn saqtaýǵa, kólik júrgizý kezinde túrli gadjetter, sonyń ishinde uıaly telefon ustamaýǵa úndeıdi.

Qala kóshelerinde qar tazalaý jumystary táýlik boıy uıymdastyrylǵan.

«Júrgizýshilerdi jolda abaı bolyp, kólikterin jol jıeginde qaldyrmaýyn, qoǵamdyq kólik qozǵalysyna, qar tazalaý tehnıkasynyń jumysyna kedergi keltirmeýin suraımyz.

Júrgizýshiler úshin jolda eń qaýiptisi - muz qatqan jol. Sondyqtan jolda jyldamdyq rejımin, qaýipsiz qashyqtyq jáne manevrleý erejelerin saqtaý kerek.

Sondaı-aq, joldan ótip júrgen nemese jol jıegimen kele jatqan jaıaý júrginshlerge de muqııat bolý qajet»,-delningen polıtsııanyń habarlamasynda.