Elorda polıtseıleri tún jarymda mas júrgizýshiniń sońynan qýǵan
Polıtsııa departamentinen málim etkendeı, 2 qazan kúni saǵat 20.00-den 3 qazan saǵat 08.00-ge deıin mas kúıde rýlge otyrǵan 20 júrgizýshi ustaldy.
«Túngi saǵat 3-te Uly Dala dańǵylymen jol erejesin buza otyryp, Mazda 626 júrip kele jatqan. Polıtseılerdiń toqtaý týraly buıryǵyn elemeı, júrgizýshi qashyp ketpek boldy. Bul rette, kóshelerdiń qıylysynda baǵdarshamnyń tyıym salynǵan belgisine ótip ketti. Sońynan qýǵan polıtseıler ony E-38 kóshedegi úıdiń aýlasynan ustady. Qujattardy tekserý barysynda 19 jastaǵy júrgizýshiden alkogoldiń ótkir ıisi shyǵyp turǵan», - dedi PD-dan.
Onymen qosa, túngi saǵat 2-de Turan dańǵylynda 20 jastaǵy boıjetken tizgindegen Hundai Solaris kóligi toqtatyldy. Qujattardy tekserý barysynda polıtseıler onyń mas ekendigin baıqaǵan. Oǵan medıtsınalyq kýálandyrýdan ótý usynylyp, onyń nátıjesi boıynsha narkolog-dáriger onyń jeńil dárejede mas ekendigi týraly uıǵarym berdi.
«Mas kúıde kólikti basqarǵany úshin júrgizýshilerdiń ústinen QR Ákimshilik quqyqbuzýshylyq týraly kodekstiń 608-baby boıynsha hattama toltyryldy. Avtomashınalar kommýnaldyq turaqqa qoıyldy.
Barlyq júrgizýshi 15 táýlikke ákimshilik qamaýǵa alynyp, 7 jylǵa júrgizýshi kýáliginen aıyrylýy múmkin», - dedi polıtsııadan.