Elorda polıtseıleri kóktaıǵaqqa baılanysty eskertý jasady

ASTANA. QazAqparat - Elordalyq polıtseıler júrgizýshiler men jaıaý júrginshilerdi saq bolýǵa shaqyrady, dep habarlaıdy QazAqparat Іshki ister mınıstrligine silteme jasap.

«Júrgizýshiler men jaıaý júrginshilerge aýa raıynyń nasharlaýyna baılanysty joldarda qıyn jaǵdaı týyndaýy múmkin ekenin eskertemiz. Kólik quralyn basqarý kúrdelene túsedi, ıaǵnı apat yqtımaldyǵy artady. Qala joldarynda jáne jekelegen ýchaskelerinde, atap aıtqanda jol ótkelderinde, aınalma jolda kórý múmkindiginiń shekteletinin eskerý qajet, kóktaıǵaq bolýy múmkin. Astana - Şýchınsk baǵyty boıynsha tasjol aýa raıyna baılanysty jabylatynyn habarlaımyz. Qurmetti júrgizýshiler, jol erejesin saqtańyzdar, jolda óte muqııat jáne saq bolyńyzdar. Jyldamdyq rejımin, qashyqtyqty saqtap, jol belgileriniń talaptaryn oryndaý qajet. Jaıaý júrginshiler joldan ótý kezinde kóliktiń tejegish múmkindigi ylǵaldy jáne taıǵaq jolda ulǵaıatynyn eskerý qajet», - dep atap ótti polıtsııa.

Eske sala keteıik, buǵan deıin Aqmola oblysynda - 6, SQO-da - 3 jol ýchaskesi jabylǵanyn habarlaǵan bolatynbyz.

Aýa raıynyń qolaısyzdyǵyna baılanysty Aqmola oblysynda saǵat 22:30-dan bastap 6 jol ýchaskesinde kólik qozǵalysy toqtatyldy.