Elorda meshitteri qasıetti Qadir túnin qalaı qarsy alady

NUR-SULTAN. QazAqparat - Nur-Sultan qalasyndaǵy meshitterde Qadir túnine oraı ótetin is-sharalar saǵat 22:00-den bastalady, dep habarlaıdy QazAqparat elorda ákimdiginiń resmı saıtyna silteme jasap.

«Áziret Sultan» meshitinde jamaǵat úshin 22:00-de kirispe túrinde ýaǵyz aıtylady. Quptan namazy saǵat 22:35-te bastalsa, Taraýıh namazy 22:50-de bastalady.

Al Hatym Quran duǵasy 00:30-da oqylady.

Ary qaraı saǵat 01:00-den bastap jamaǵattyń erkin qulshylyq jasaýyna múmkindik beriledi.

Elordadaǵy meshitterdiń bárinde Qadir túnine oraı uıymdastyrylatyn is-sharalar kestesi osy ýaqytta ótedi.

Aıta keteıik, Qadir túnine oraı Nur-Sultanda arnaıy júretin avtobýstardyń ýaqyty túngi 01:30-ǵa deıin uzartylady.

Avtobýs baǵdarlary tómendegideı:

«Áziret Sultan» meshitinen júretin baǵdarlardyń baǵyty:

- «Spýtnık» sýpermarketi;

- TJ vokzaly;

- «Kóktal-1,2» TA.

«Ábý Nasyr ál-Farabı» meshitinen júretin baǵdarlardyń baǵyty:

- «Kóktal-1,2» TA;

- TJ vokzaly;

- Med. kolledj.

«Sádýaqas qajy Gılmanı» meshitinen júretin baǵdarlardyń baǵyty:

- «Kóktal-1,2» TA;

- «Kırpıchnyı» TA.

«Yryskeldi qajy» meshitinen júretin baǵdardyń baǵyty:

- «Ilınka» TA.

«Raqymqyzy Raısa ana» meshitinen júretin baǵdardyń baǵyty:

- «Rahmet» SO.