Elorda men taǵy úsh qalada aýa lastanady
05:00, 18 Naýryz 2023
ASTANA. QazAqparat – Búgin Astana men Qaraǵandy, Temirtaý jáne Aqtóbede jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.
«2023 jylǵy 18 naýryzda Qaraǵandy, Temirtaý, Aqtóbe jáne Astana qalalarynda qolaısyz meteorologııalyq jaǵdaılar kútiledi»,-delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.