Elorda men Almaty arasynda tórt qosymsha poıyz júredi

NUR-SULTAN. QazAqparat - Búgin Almaty men Nur-Sultan qalalary arasynda taǵy tórt qosymsha kommertsııalyq poıyz iske qosylady, dep habarlaıdy QazAqparat «Jolaýshylar tasymaly» AQ-nyń baspasóz qyzmetine silteme jasap.

Búgin elordanyń Nursultan -1 stansasynan № 204/203 poıyzy Almatyǵa saǵat 18.55-te jóneltiledi. Poıyz Almatyǵa erteń (11 qańtar) saǵat 16.31-de keledi.

Sondaı-aq, búgin Nur-Sultan-1 stansasynan Almaty-2 stansasyna deıin №220/219 poıyzy saǵat 19.40-ta jóneltiledi. Poıyz Almatyǵa erteń (11 qańtar) saǵat 18.25-te keledi.

Búgin Almatydan elordaǵa qaraı eki kommertsııalyq poıyz jolǵa shyǵady.

«Almaty-2 – Nur-Sultan Nurly jol» (Talgo) baǵytyndaǵy №207/208 poıyzy Almaty-2 stansasynan 19 saǵat 20 mınýtta jolǵa shyǵady.

«Almaty-2 – Nur-Sultan-1» baǵytyndaǵy №205/206 poıyzy 22 saǵat 25 mınýtta jóneltiledi. Poıyz elordaǵa erteń 19 saǵat 13 mınýtta keledi. Dál osy poıyz Almatyǵa 11 qańtarda 23 saǵat 43 mınýtta jóneltiledi.

Jolaýshy tasymaly kompanııasynyń málimdeýinshe, elimizde poıyzdardyń qozǵalysy qalpyna keltirilgen. Barlyq jolaýshylar poıyzdary keste boıynsha júredi.