Elorda mektepterinde jan basyna shaqqandaǵy qarjylandyrý ózgerýi múmkin
16:55, 30 Sáýir 2024
<p>ASTANA. KAZINFORM – Aldaǵy eki jylda elordada orta bilim berý salasyna 5 mlrd teńgege jýyq qarjy bólý usynyldy.</p>
Búgin elordanyń qoǵamdyq keńes otyrysynda Astana qalasynyń 2024-2026 jyldarǵa arnalǵan bıýdjetine ózgerister engizý máselesi qaraldy.
«Bilim basqarmasyna oqýlyqtardy satyp alýǵa jáne jetkizýge, memlekettik orta bilim berý uıymdarynda jan basyna shaqqandaǵy qarjylandyrýdy iske asyrýǵa, 24 balabaqshany aǵymdyq jóndeýge, vedomstvolyq baǵynysty mekemeler men uıymdardyń kúrdeli shyǵystaryna jalpy somasy 4 mlrd 792 mln teńge qarajat qarastyrý usynylyp otyr», - dedi Astana qalasy ekonomıka jáne bıýdjetti josparlaý basqarmasynyń basshysy Qaısar Mańqaraev qoǵamdyq keńes aldynda.