Elorda mektepterinde aýa raıynyń nasharlaýyna baılanysty sabaqtar qysqartyldy

<p>ASTANA. KAZINFORM &ndash; Elorda mektepterinde 6 qarasha kúni jeldiń kúsheıýine baılanysty sabaqtardyń uzaqtyǵy qysqardy, dep habarlaıdy Astana ákimdiginiń resmı saıty.</p>

«6 qarashada aýa raıynyń nasharlaýyna baılanysty (jeldiń jyldamdyǵy 30 m/s deıin artady) ekinshi aýysymnyń ekinshi sabaǵynan bastap sabaqtar 30 mınýtqa deıin qysqarady. Synyp jetekshileri ata-analarǵa oqýshylardyń tek eresektermen jiberiletini týraly aıtý qajet», - dep habarlady Astana qalasynyń bilim basqarmasy.

Jeldiń kúsheıýine baılanysty elordalyq qutqarýshylar azamattardy qaýipsizdik sharalaryn saqtaýǵa shaqyrdy.

«Qazgıdromet» RMK málimetinshe, 6-7 qarashada Astanada qatty jel soǵady. Sınoptıkter ońtústik-batystan 23-28 m/s, keıde 30 m/s deıin jel soǵady dep boljaıdy.

Eske sala keteıik, buǵan deıin Astana qalasy TJD aýa raıynyń qolaısyzdyǵyna baılanysty jazataıym oqıǵa bolmas úshin elorda turǵyndary men qala qonaqtarynan qaýipsizdik sharalaryn saqtaýǵa shaqyrǵanyn jazaǵan edik.