Elorda mektepterinde Elbasy týraly ashyq sabaq ótip jatyr

NUR-SULTAN. QazAqparat – QR Tuńǵysh Prezıdenti kúnine oraı elorda mektepterinde Elbasy Nursultan Nazarbaev týraly ashyq sabaq ótip jatyr, dep habarlaıdy QazAqparat.

«Qazirgi Qazaqstan. Elbasy kóshbasshylyǵy» taqyrybynda balalarǵa Elbasynyń ómirbaıany, qyzmeti, el basqarýdaǵy mańyzdy sátteri baıandaldy.

Sonymen birge, N. Nazarbaev týraly beınerolık kórsetilip, oıyn túrinde vıktorınalyq suraqtar qoıyldy.

Eske sala ketsek, 2011 jyldyń 10 jeltoqsanynda QR Parlamenti Senaty depýtattarynyń bastamasymen «Qazaqstan Respýblıkasyndaǵy merekeler týraly» QR Zańyna tolyqtyrý engizý týraly» QR Zańy qabyldanǵan bolatyn. Zań 1 jeltoqsanda atap ótiletin Qazaqstan Respýblıkasy Tuńǵysh Prezıdenti kúnin belgilegen edi.

Bıyl 1 jeltoqsan jeksenbige týra kelgendikten mereke 2 jeltoqsanǵa aýystyrylyp, eki kún qatarynan demalys jarııalanady.