Elorda mektepterinde Dostyq sabaǵy ótedi

ASTANA. QazAqparat - Qazaqstan halqy Assambleıasynyń 20 jyldyq mereıtoıy aıasynda 18 qyrkúıekte saǵat 12:00 № 4 jáne № 8 balalar kitaphanasynyń qyzmetkerleri «Bir halyq, bir el, bir taǵdyr» atty dostyq sabaǵyn uıymdastyrady. Atalmysh shara Q. Sátbaev kóshesinde ornalasqan № 4 balalar kitaphanasynda ótedi. Sharaǵa № 28 orta mekteptiń 6-7 synyp oqýshylary qatysady, dep habarlady astana.gov.kz.

Sabaqtyń maqsaty balalardy otansúıgishtikk e tárbıeleý, birlikke, el tarıhyn zertteýge, elimizde turatyn ózge ult ókilderiniń mádenıetimen tanysýǵa shaqyrý bolyp tabylady. Sabaq barysynda Qazaqstanda turatyn basqa ult ókilderi týraly jáne Qazaqstan halqy Assambleıasynyń qoǵamdaǵy mańyzdylyǵy jaıly aıtylady. Sabaqqa evreı mádenı ortalyǵy tóraǵasynyń orynbasary qatysyp, oqýshylarǵa evreı halqynyń salt-dástúri men mádenıetin tanystyrady. Sondaı-aq kitaphana qyzmetkerlerimen «Bizdiń kúshimiz - birlikte!» atty kitap kórmesi uıymdastyrylady. Qonaqtarǵa Qazaqstanda turatyn ózge ult ókilderi, olardyń salt-dástúrleri jaıly kitap, gazet-jýrnal basylymdary usynylady.